Энэ удаагийн сонгуулийн сурталчилгаа хоног дөхөх тусам их өвөрмөц байдлаар чангарч байна. Урьдын сонгуулийн өнгөөр бол сурталчилгаа сүүлийн 10 хоногтоо ороод ирэхээр хар мэдээ бас цочир амлалтууд ихэсдэг.
Харин энэ сонгуульд тэгсэнгүй. Аймаг сумдыг онцлогоор нь хөгжүүлэхэд анхаарна, дэмжинэ гэсэн ганц нэг үг яриаг эс тооцвол олигтой амлалт гэхээр юм алга. Энэ нь харин ч сайн байх. Бүтэхгүй баахан юм амалчихаад дараа нь цайруулж мартуулах гэж бөөн юм болох биз.
6
Ц.Элбэгдорж нэр дэвшигчийн баг авилгалын талаарх сурталчилгааг бараг нэр дэвшигчээсээ илүү хийж энэ хэсэгт иргэдийн уур хилэнг жинхэнэ халааж өгч байх шиг санагдлаа. Энэ халалт эргээд Авилгын эсрэг тэмцэл дөнгөж эхэлж байгаа ба цаашид одлоогийн Ерөнхийлөгч дахин гарч мухарлана гэсэн нэмэх оноо болж нэр дэвшигч дээр нь бууж байна.
5
МАН хариу барьж Ерөнхий сайдын хүргэн Г.Дэнзэн хүүгээр барьцаа сэдэв явуулсан. Өнөөх нь өчигдөр албан тушаалаа өөрийн хүсэлтээр өглөө гээд энэ нүүдлийг нь мухарлаж орхив.
Махны үнэ 100 төгрөгөөр хямдрахад баярладаг ард түмэн бид нэг авилгын хэргийн дүн нэг зуун сая байна гэж мэдээлэгдвэл, худлаа байлгүй зуун тэрбум байлгүй дээ гэж чихэндээ үл итгэн олигтойхон мөнгөний тоо сонсоогүй юм уу, тэрбумын учир олоод зөв хэлж чадахгүй гэж сэтгүүлчдийг загнаж мэдэхээр болоод байна.
6
Аваргын талынхан сөрөг Пи Ар хийж алагчилалгүй хорьж шалга. Аварга гарвал АН-ынхан ч яг ийм байгаа нь харагдана гэж нэлээн цайрсан маягтай үг хаяж үзэж байна. Үнэндээ ар араасаа хөвөрч шууд намтай нь холбогдож байгаа энэ дуулиант хэргүүдийн бараан мэдээллүүдийг дарж, дагаж гүйцэхгүй байх шиг байна. Аварга Б.Бат-Эрдэнэ сонгуулийн энэ цаг хүртэл, яривал ярьчихдаг, бүжиглэвэл бүжиглэчихдэг, сайн улстөрч, олон нийтээс дэмжлэгтэй бол дэмжлэгтэй гэдгээ ч харууллаа. Харин одоо энэ авилгын эсрэг, авилгачдаас үл хамааран тэмцэж Ц.Элбэгдоржийн эхлүүлснийг бүр сайн хийж гүйцээн тулгын чулуунд сондгойрч, тогоо хазайлгаад намаа, найзаа гээд яваад байхгүй, зангарагтай Ерөнхийлөгч байж чадна гэдгээ л сайн харуулах, товойлгох хэрэгтэй болоод байх шиг байна. Ер нь аваргыг дөн нуруутай, мэдлэг туршлагатай, удирдах чадвартай улстөрч гэдгийг хэн үгүйсгээд байгаа юм бэ. Сөрөг нам яахав дүрмийнхээ дагуу сөргөөр л харуулах гэнэ. Ард түмэн аваргаа таньж байгаа, сайн мэднэ дэмжиж ч байгаа. Харин ард нь байгаа намыг нь алдаа дутагдлаар нь бүдрүүлэхэд дагаад доголчих гээд байгаа энэ байдлыг л эргүүлэх хэрэгтэй мэт санагдана. Уг нь сонгогдчихлоо л бол намын харьяалал “No”, улс орны эрх ашиг “Yes“ л болно биз дээ.
6
Ингэтэл хэд хоногоос АН-аас нэг, хоёр нөхөр адилхан шалгагдаж эхэлж, ард түмний загатнасан газар маажих шиг болох бий дээ. Тэгвэл ч цантсан морь унасан Ц.Элбэгдорж нэр дэвшигч гарч давхиад, аль хэдийн барианд орчих байх шүү. Энэ удаагийн сонгууль ажлын байр авдаг цалин, тэтгэлгийг нэмнэ гэсэн амлалтаар биш “Авилга устана” гэсэн итгэл төрүүлэх нүсэр том “компанит ажил”-аар үргэлжилж, энэ эрчээрээ өндөрлөх юм шиг байна.
6
Бас цаана чинь ирэх долоо хоногоос баахан айлууд Ипотекийн зээлээр шинэ байранд орж, 26-ний өглөө тагтан дээрээ нэг сайхан суниагаад саналаа өгөхөөр эртлэн гарах хүн олон болох юм шиг. Тэгж л сурталчлаад байна. Хэрвээ ингэвэл гэр орноо засч, сэтгэл санаа өөдрөг гарсан улс аль намын, хэний төлөө саналаа өгөх нь бараг тодорхой биш үү. Яаруулж зүтгүүлсээр байгаад л сонгуулийн өмнө орон сууцны зээлийг ажил болгочихлоо, гайгүй л байгаа даа.
6
Сонгуулийн салхи хилийн чанадаас хагарч, сүүлийн 10 хоногийн сурталчилгаа эхэлсээн.
6
П.Баярхүү /тоймч/
| Уншиж байна |