Бонд сайхаан... Мөнгө босгож байгаа юм чинь дэмжихээс яахав. Чингис, Самурай гэхчлэнгээр явж өгч байна өө. Ашиглаж чадаагүй болохоор бөөн асуудал араасаа дагууллаа. Эдийн засгийн халалт байсаар байхад энэ бондод халуурах маань юу л бол доо. Засаг яахав татвар төлөгчдийн мөнгөөр тоглодог “нөхөр”. Гэтэл Улаанбаатар хотын захиргаа ийм бонд гаргадаг байна ш дээ. Тэгээд мануус төлөх юм байх. Нийслэлийн Удирдлагын зөвлөлийн хурлаар Улаанбаатар хотын бонд гаргах талаар хэлэлцсэн. Тэгээд батлагдвал ирэх жилээс зах зээл дээр гарна. Чингис бонд яалаа... Самурайг нихончууд авч хэлэлцэхгүй байна. Тэгэхэр энэ бондыг хэн нь ямар эх үүсвэрээр баталгаа гаргах болж байна. Баатар дарга Ерөнхий сайдын алдааг давтах нь тодорхой.

.

УИХ-аас өнгөрсөн аравдугаар сарын 20-нд Засгийн газрын үнэт цаас гаргахыг зөвшөөрөх тухай УИХ-ын тогтоолыг баталснаар эхний ээлжинд 1.5 тэрбум ам.долларын үнэт цаасыг олон улсын зах зээлд арилжаалах үүрэг хүлээсэн юм. Энэхүү даалгаврыг Шинэчлэлийн Засгийн газар амжилттай гүйцэтгэснээр өнгөрсөн арваннэгдүгээр сарын 28-нд олон улсын зах зээлд “Чингис” бондыг арилжаалсан. Хэдийгээр анхандаа эрсдлийг сайн тооцоолсон хэмээн Ерөнхий сайд мэдэгдэж эхэлсэн ч өнөөдрийн байдлаар энэхүү тооцоолол амьдралаас дэндүү хол зөрөөд явчихсан.

:

Хөрөнгө оруулах томоохон төсөл хөтөлбөр нь боловсруулагдаагүй, тооцоо судалгаа, зураг төсөл нь бэлэн болоогүй, түүнчлэн, барилга, зам зэрэг бүтээн байгуулалтын ажил явуулах боломжгүй өвлийн улиралд Засгийн газрын бондыг арилжаалсан нь алдаатай шийдвэр болсон. Ингээд өнөөг хүртэл хугацаанд бондын эх үүсвэрийг огт ашиглаагүй байхад бондын хүүгийн төлбөрт 50 орчим тэрбум төгрөгийг төлөхөөр болж байгаа нь өрийн дарамтыг нэмэгдүүлсэн байх юм. Засгийн газар эдийн засгийн тооцоо судалгаа, ТЭЗҮ, зураг төсөл нь бэлэн болсон төсөл хөтөлбөртөө тохирсон хэмжээний бондыг үе шаттайгаар олон улсын санхүүгийн зах зээл дээр арилжаалах боломжтой байсныг анхаарч үзээгүйг үүнээс харж болно.

.

Монголын эдийн засаг улирлын шинж чанартай. Өвөл нь зардал өсч, урин дулаанд хямдарна. Эдийн засгийн савлагаанд хамгийн их нөлөө үзүүлсэн нь Чингис бонд шүү дээ. “Чингис” бондын хүүгийн төлбөрт өнөөдрийн байдлаар 37.7 сая ам.доллар буюу 54.4 тэрбум төгрөг төлсөн бөгөөд үндсэн өрийг 2018, 2022 онд буцаан төлнө. Дээрээс нь Баатар ахын санаачилсан хотын бондыг нэмбэл мануус ойрдоо өөдөө гарахгүй нь.

:

Засгийн бодлого унаад байгаагийн гол утга нь эдийн засгийн эрүүл бодлого явуулахгүй байгаатай шууд холбоотой. Төр эрүүл тунгалаг байхын утга хэмээхийн учир улам бүр булингартаж байна. Нээлттэй төр гэж бүхнийг уриалах хэрнээ тунгалаг байхын эсрэг бүхнийг хийж байна.

.

Иргэдээс санал авч байна. Ёс төдий шүү. Шийдвэр, хууль дүрмэнд нь тусгагдаж байгаа нь даанч алга. Бондын талаар хэчнээн ярив. Туссан нь хаа байна. Ингээд Ард түмэн нь хэтэрхий мэргэн жараахай юм шиг, төр та эсрэг дүр нь юм шиг байхыг бид хүсээгүй юм шүү.