“...Хүү минь дахиад Очир ахындаа очих болох нь дээ” гэдэг шиг сөрөг хүчинд дахиад нэг хийх ажил гарч байх шиг байна. Дараагийн хоёр сайдыг нэрлэн огцруулах хүсэлт яаралтай өргөн  барих хэрэгтэй боллоо. Өөрөөр гишүүдийн ирцийг байх ёстой хэмжээнд барих арга үгүй болоод байх шиг байна. Гэхдээ энэ бол аргаа барсан санал биш ирц бүрдүүлэхэд хамгийн бодитой үр дүнтэй ажиллагаа  гэдгээ харуулсан учраас гэж ойлгож болно. Тэгэхгүй бол гишүүдийг өөр юугаар ч даллаж, ямар ч хөшүүрэг хэрэглээд ирц бүрдэхгүй байна.

7

Оны өмнө төсвийн төслөө баталснаас хойш эрхэм гишүүд бүгд ажилдаа ирж 100 хувийн ирцтэй байсан ганц тохиолдол байсан нь нэр бүхий хоёр сайдыг огцруулах эсэх тухай асуудлыг хэлэлцэх хуралдаан байлаа. Бусад тохиолдолд байнгын ирцийн “дутагдалтай” явж ирлээ.

6

Оны босгон дээр бүр цайрсан. Гишүүд маань ирэх долоо хоногийг баяр, амралтын байдалтай өнгөрөөхөөр шийдэж, байнгын хороод, чуулганаа хуралдуулахааргүй шийдэж өөрсддөө чөлөө цохоод тарж одсон. Энэ чөлөөгөө мөн л өөрсдөө сунгаад байгаа бололтой. Хурал хэлэлцүүлэг хойшилсоор байна. УИХ-ын он дамжин үргэлжилсэн ирцийн “дутагдал” өвчин улам хүндэрч байх шиг байна. УИХ-ын гурван байнгын хороо өнөөдөр хуралдах байсан ч Эдийн засгийн байнгын хорооны хуралдаан ирц хүрээгүй гэсэн шалтгаанаар тодорхойгүй хугацаагаар хойшилжээ.

6

УИХ-ын олонх бие бүрэлдэхүүнд хурц шинжээр илэрч байгаа энэхүү ирцийн дутмагшил өвчнөөс үүдсэн засаглалын холион бантан цаагуураа бий болж байна. Засгийн газрыг их хурлаасаа том байна, үг шийдвэрийг нь сонсож байж хөдөл гэсэн хууль ёсны шаардлага зэмлэл  цаашид дахин яригдах боломжгүй мухардалд орж байна.  Одоогийн дүр зургаар бол засгийн газар их хурлын аяыг харвал жинхэнэ гацаанд орж ирц бүрдээгүй, их хурлаас шийдвэр гараагүй гэсээр нэгэн улирлыг буйран дээрээ өнгөрөөж ч болохоор байна. Хамгийн харамсалтай нь ирц бүрдэхгүй энэ байдал  хууль тогтоох дээд байгууллага дээрээ ч хууль зөрчиж үүргээ умартаж болдог жишиг, үлгэр дууриалыг  энэ парламент үзүүлж байна.

6

Монгол Улсын Үндсэн хуульд “УИХ-ын гишүүн бол ард түмний элч мөн бөгөөд нийт иргэн, улс орны ашиг сонирхлыг эрхэмлэн баримтална” гэсэн байна.

Эрхэм гишүүд үндсэн үүргийнхээ хүрээнд хуулийг санаачлах, өргөн барих, боловсруулахад биечлэн оролцох үүрэгтэй. Түүнчлэн төрийн санхүү, мөнгөний бодлогыг тодорхойлж, Монгол Улсын эдийн засаг, нийгмийн хөгжлийн үндсэн чиглэл, Засгийн газрын үйл ажиллагааны хөтөлбөр, улсын төсвийг хэлэлцэж, түүний гүйцэтгэлд хяналт тавихаас гадна тайланг батлах зэргээр улс орны санхүү, мөнгө, зээл, татвараас аваад тэтгэвэр, тэтгэмж, халамжийн үйлчилгээ, дэд бүтэц, түүний хөрөнгө оруулалт, сэргээн босголт зэрэг хамрахгүй салбар, асуудал үгүй, тэр бүрт УИХ-ын гишүүн оролцож байдаг. Гэтэл тэд маань завгүй амарч байна.

6

Энэ их эрх мэдэл, өвөрмөц дархлаатай эрхэм гишүүдээ одоо бид яах билээ. Үнэндээ бол яаж ч чадахгүй. Дараа сонгуулиар амлалтаа санаж  үүргээ ухамсарладаг, ёс зүйтэй байж чадах гишүүдийг сонгоё доо гэж урт холын бодол авч үлдэж л чадах юм.

 7

Алдаагаа засах дараагийн сонгууль хүртэл ахиад бүтэн хоёр жил байна. Энэ болтол эрхэм гишүүдээ аргадаж хөшүүрэгдэж хуралд нь суулгах элдэв арга технологоо сайжруулах ажлыг Тамгын газарт нь даатгах болж байх шиг байна. Сөрөг хүчин дахиад нэг сайдыг татаж унагах санал өргөн барих бас нэг нөөц хувилбар байна.Тэгвэл  сар шинэ гартал гишүүдээ танхимд нь торгоож магадгүй.

7

"Ир ир гэж Тамгын газраас шаардана, ирц ирц гэж хэвлэлээр шаагина. Энэ бол 76 бидний амьдрал" . Энэ бол бас иргэд бидний хийсэн сонголт байлаа.

 7

П. Баярхүү /тоймч/