Компьютерээр тоо сонгуулсан эр 351 мянган долларын жекпот хожжээ
АНУ-д Cash5 лото тоглоод асар их мөнгө хожсон эр тоогоо өөрөө сонгоогүй, харин компьютерээр сонгуулаад жекпот хожсон талаараа The Mirror сонинд ярьжээ.
"Ажлыг нь булаасан" техникүүдийг Кенийн цай хураагчид эвджээ
Кенийн цай үйлдвэрлэгчид ширүүн эсэргүүцэлтэй нүүр тулгарч, гар аргаар цай хураадаг байдлыг механикжуулахын тулд авсан шинэ машинуудаа байнга сүйтгүүлж байгаа гэнэ. Компаниуд зардлаа бууруулахын тулд ургац хураалтдаа машин ашиглах болсноор цайны ургамал хурааж амин зуулгаа залгуулдаг ажилчдад хүнд цохилт болж, улмаар цай хураагчид машин техникийг эвдэх болсон талаар Америкийн Semafor сонин мэдээлжээ.
Блинкен Хятадад айлчилж, Украины хямралыг шийдэх асуудлаар хэлэлцэнэ
АНУ-ын Төрийн нарийн бичгийн дарга Энтони Блинкен Хятадад айлчлахаар болсон мэдээлэл гарсны араас үүнийг няцаасан мэдээллүүд ч гарч байлаа. Харин энэ удаад Хятадын хэвлэлүүд Блинкен Бээжинд айлчилна гэдгийг баталжээ.
НҮБ: Дайн, хүний эрхийн зөрчлөөс үүдэн 110 сая хүн дүрвэгч болсон
2023 оны тавдугаар сарын байдлаар 110 сая хүн сөргөлдөөн, хавчлага, хүний эрхийн зөрчлөөс үүдэн орон гэрээ орхин дүрвэхээс аргагүй болсон гэж НҮБ-ын Дүрвэгчдийн асуудал эрхэлсэн Дээд комиссар Филиппо Гранди мэдэгджээ.
Даргаа тамладаг байсан төрийн алба хаагчийг ажлаас нь халжээ
Японы Осака хотын Архитектурын газрын даргыг ажлаас нь халжээ. Түүнийг ажлаас халах болсон шалтгаан нь даргатайгаа хэрцгий харьцдаг байсан нь тогтоогдсонтой холбоотой аж.
Швейцарт жил бүр болдог эмэгтэйчүүдийн ажил хаялт болжээ
Швейцарын эмэгтэйчүүдийн ажил хаялтын өдрийг 1991 оны зургадугаар сарын 14-ний өдрөөс эхлэн жил бүр зохион байгуулж байгаа юм. Үүнээс 10 жилийн өмнө Швейцарын Үндсэн хуульд эмэгтэйчүүд, эрчүүдийн тэгш эрх, тэр дундаа хөдөлмөрийн харилцаан дахь тэгш эрхийг баталгаажуулсан өөрчлөлтийг оруулж байв.
Аргентины инфляци 40 хувийг давжээ
Аргентинд тавдугаар сард үнийн өсөлт 7,8 хувьд хүрч, он гарснаас хойш 42,2 хувьд, өнгөрсөн оны мөн үетэй харьцуулахад 114,2 хувьд хүрчээ. Энэ талаар Аргентины статистикийн хүрээлэн мэдэгдсэн байна.
ОХУ-д хүйсээ солихыг хориглоно
"Хүйс солих эмнэлгийн мэс засал хийхийг хориглох, мэс засалгүйгээр хүйс сольсныг улсын бүртгэлд бүртгэхгүй байх" тухай тусгасан хуулийн төслийг Оросын Төрийн дум зургадугаар сарын 14-ний өдөр эхний хэлэлцүүлгээр дэмжжээ. Энэ хуулийн төслийг Думын бүх фракцийн 400 орчим гишүүн санаачилсан гэж DW мэдээлжээ.
Польшид үр хөндөлтийг хориглохыг эсэргүүцсэн олон нийт жагсаал зохион байгуулжээ
Энэ нь Польшийн эмнэлгүүдэд жирэмсэн эмэгтэй амиа алдсан анхны тохиолдол биш гэнэ. 2021 онд Пшина хотод 30 настай эмэгтэй мөн л амиа алджээ. Эмэгтэй жирэмсэн байсан бөгөөд ураг нь мөн л амьгүй болсон ч эмч нар үр хөндөлт хийх шийдвэрийг гаргахдаа яаравчлаагүйн улмаас эмэгтэй хордлогын цочролоос болж амиа алдсан байна. Үүний дараа түнүий дурсгалыг хүндэтгэх жагсаалууд Польшийн 80 гаруй хотод болж байв.
Берлускониг сүүлчийн замд нь үдэх ёслолд 10 мянга гаруй хүн оролцжээ
Италийн Ерөнхий сайд агсан Сильвио Берлускони зургадугаар сарын 12-ны өдөр 86 насандаа цусны хорт хавдрын улмаас таалал төгссөн юм. Түүнийг сүүлчийн замд нь үдэх төрийн ёслол зургадугаар сарын 14-ний өдөр Миланд болжээ.
Украинд амиа алдсан Финландын хөлсний цэрэг сэтгүүлчдэд нууцлаг зурвас үлдээжээ
Украины зэвсэгт хүчний эгнээнд багтаж байсан Финландын хөлсний цэрэг амиа алдахынхаа өмнөхөн Финландын Yle телерадиокомпанийн сурвалжлагчид нууцлаг зурвас үлдээсэн гэнэ.
Пентагон Ойрх Дорнодод F-22 сөнөөгч онгоцууд байршуулжээ
Ойрх Дорнодод Оросын үйл ажиллагаа идэвхжиж байгаагийн улмаас АНУ энэ бүс нутаг руу тав дахь үеийн F-22 Raptor сөнөөгч онгоцуудыг илгээжээ. АНУ Оросыг агаарын орон зай дахь журмыг байнга зөрчиж байгаад буруутагж байгаа талаар АНУ-ын Зэвсэгт хүчний Төв командлалын. хэвлэлийн алба мэдээлсэн байна.
Рамштейны дуучин Тилль Лендманыг бэлгийн хүчирхийлэлд сэжиглэн шалгаж эхэлжээ
Bild сонины мэдээлснээр Берлиний цагдаагийн газарт болон прокурорт хандсан хоёр өргөдлийг үндэслэн хэрэг үүсгэн шалгаж байгаа бөгөөд бэлгийн халдашгүй байдлын эсрэг гэмт хэргийн заалтаар эрүүгийн хэрэг үүсгэжээ. Энэ зүйл заалтад тусгасан гэмт хэргийг үйлдсэн нь тогтоогдвол 10 хүртэлх жилийн ял оноодог байна.
Грект гурван өдрийн туршид үндэсний хэмжээний гашуудал зарлав
Хэвлэлийн албаны мэдээлснээр, Ионы тэнгист загас агнуурын хөлөг онгоц сүйрсний улмаас амиа алдсан хүмүүсийн дурсгалыг хүндэтгэх зорилгоор гашуудал зарлажэ. Сүүлийн үеийн мэдээллээр, хөлөг онгоц сүйрсний улмаас 79 цагаач амиа алдаж, 104 хүнийг аварч чадсан байна.
Старбакс цагаан арьст эмэгтэйг ажлаас халсныхаа төлөө 25 сая долларын торгуульд унав
Америкийн Starbucks компани ажлаасаа халагдсан цагаан арьст эмэгтэйд өндөр нөхөн төлбөр төлөх ёстой болжээ. Ийм шийдвэрийг Америкийн шүүх гаргасан бөгөөд шүүгчид Старбакс компанийг ажилтандаа арьс өнгөөр ялгаварлан хандсан хэмээн буруутгаж, халагдсан эмэгтэйд 25,6 сая долларын нөхөн төлбөр төлөхийг үүрэг болгосон талаар ВВС мэдээлжээ.
Орост Пригожиний нэр хүнд эрс өсчээ
Тавдугаар сард Оросын интернет хэрэглэгчид Вагнер хувийн цэргийн компанийн эзэн Евгений Пригожиний мэдээллийг хайх нь хоёр дахин их нэмэгджээ. Энэ нь Пригожиний үйл ажиллагааг олон нийт сонирхох нь илт нэмэгдэж байгааг харуулж байна гэж "Верстка" сонин мэдээлсэн байна.
ВИДЕО: Нас барсанд тооцогдсон эмэгтэйг оршуулах үеэр гэнэт сэржээ
Эх сурвалжийн мэдээлснээр, настай эмэгтэй бие нь муудсан тул хүү нь Бабахойо дахь эмнэлэгт хүргэжээ. Ээж нь зүрхний өвчинтэй, мөн даралт ихэсдэг хэмээн хүү нь эмч нарт хэлжээ. Ингээд өглөөний 09 цаг орчимд өндөр настай эмэгтэйг эмнэлэгт хүргэж, үүнээс хоёр цагийн дараа эмч нар өндөр настныг тодорхойгүй шалтгаанаар зүрх зогссож, нас барсан хэмээсэн байна.
Дани улс Украины нисгэгчдийг сургана
Дани улс Украины нисгэгчдийг F-16 сөнөөгч онгоц жолоодож сургахаар төлөвөлж байгаа. Энэ сургалт наймдугаар сарын эхээр эхэлнэ гэж Данийн Батлан хамгаалахын сайдын үүрэг гүйцэтгэгч Троелс Лунд Поульсен мэдэгдсэнийг Данийн Радио дамжуулжээ.
Хятадын компани үнэр гаргадаггүй, байгальд ээлтэй жорлон танилцуулжээ
Эх сурвалжийн мэдээлснээр, Шанхайн нүүрстөрөгчөөс ангид технологийн олон улсын анхдугаар үзэсгэлэнгийн үеэр хүрээлэн буй орчныг хамгаалах, нүүрстөрөгчийн хаягдлыг бууруулах дэвшилтэт технологиудыг танилцуулжээ. Тэдгээрийн дунд Atelier Shine (Shanghai) Ecological Technology компанийн боловсруулсан эко жорлон олны анхаарлыг ихэд татсан байна.
Фумио Кишида энэ долоо хоногт парламентаа тарааж болзошгүй
Японы Ерөнхий сайд Фумио Кишида парламентын доод танхимыг тарааж, ээлжит бус сонгууль явуулах болсноо энэ долоо хоногт зарлаж болзошгүй гэнэ. Энэ талаар лхагва гарагт Fuji Television суваг мэдээлжээ.