Үр хөндөлтийг хориглож буйг эсэргүүцсэн олон мянган хүн лхагва гарагт Польшийн хотуудад эсэргүүцлийн жагсаал зохион байгуулжээ. Жагсаалд оролцогчид "Цаашид нэг ч эмэгтэй хохирох ёсгүй" гэсэн лоозон барьж, хууль тогтоомжийг зөөлрүүлэхийг шаардсан байна. 

Ийм жагсаал хийх болсон нь үр хөндөлтийг хориглосон хуулийн улмаас нэг бус эмэгтэй хохирсонтой холбоотой аж. Тавдугаар сарын сүүлээр гэхэд цаг тухайд нь үр хөндөлт хийгээгүйн улмаас нэг эмэгтэй амиа алджээ. 

Эрх чөлөө радиогийн мээдэлснээр, 33 настай Дорота Лалик жирэмсний таван сартай байхад нь зулбах аюул тулгарч, эмнэлэгт хүргэгдсэн байна. Нөхцөл байдал аюултай байсан ч эмч нар үр хөндөлт хийгээгүй аж. Ингээд ураг амьгүй болсноос хойш гурав дахь өдөр нь эмэгтэйн цусанд халдвар тархаж эхэлсэн үед л эмч анр хагалгаа хийх шийдвэр гаргажээ. Гэвч эмэгтэй хагалгаанд орсныхоо дараа нас барсан байна.

Энэ нь Польшийн эмнэлгүүдэд жирэмсэн эмэгтэй амиа алдсан анхны тохиолдол биш гэнэ. 2021 онд Пшина хотод 30 настай эмэгтэй мөн л амиа алджээ. Эмэгтэй жирэмсэн байсан бөгөөд ураг нь мөн л амьгүй болсон ч эмч нар үр хөндөлт хийх шийдвэрийг гаргахдаа яаравчлаагүйн улмаас эмэгтэй хордлогын цочролоос болж амиа алдсан байна. Үүний дараа түнүий дурсгалыг хүндэтгэх жагсаалууд Польшийн 80 гаруй хотод болж байв.

Польш улс  үр хөндөлтийн тал дээр Европын холбоон дунда хамгийн чанга хуультайд тооцогддог. Энэ хуулийг 2020 оны 10 дугаар сард улам чангатгасан байна. Өмнөх, 1993 онд батлагдсан хуулиар хүчирхийллийн хохирогч болсон эсвэл цусан төрөлтэйгээ бэлгийн харьцаанд орсны улмаас жирэмсэлсэн, жирэмслэлт болон төрөлт эхийн амь нас, эрүүл мэндэд аюул заналхийлж байгаа, түүнчлэн ураг гажигтай тохиолдолд үр хөндөлт хийхийг зөвшөөрдөг байсан. Харин 2020 оны хуулиар энэ заалтыг хуулиас хассанаар энэ улсад үр хөндөлтийг бүрэн хориглосон байна. 

Г.Бямбасүрэн