Швейцарт жил бүр болдог үндэсний эмэгтэйчүүдийн ажил хаялт болж, энэ өдөр олон хотод эмэгтэйчүүдийн жагсаал болсон талаар РИА Новости агентлаг мэдээлжээ. 

Эх сурвалжийн мэдээлснээр, улс орон даяар, нийгэм дэх хүйсийн тэгш бус байдлыг эсэргүүцсэн олон мянган хүн жагсаал, цуглаанд оролцсон байна. Тэдгээрээс хамгийн том цуглаан нь Цюрих хотын төвд болсон бөгөөд энэ жагсаалд 15 мянга гаруй хүна оролцжээ. Оролцогчид "Цалин, цаг, хүндлэл" гэсэн уриа барин алхсан гэнэ. Энэ жилийн шаардлага нь хүйсийн хүчирхийлэлтэй тэмцэх, ,эцэг эхийн аль аль нь амаржсаны амралт авах хугацааг нэг хүртэлх жил болгон сунгахыг шаарджээ.

Швейцарын эмэгтэйчүүдийн ажил хаялтын өдрийг 1991 оны зургадугаар сарын 14-ний өдрөөс эхлэн жил бүр зохион байгуулж байгаа юм. Үүнээс 10 жилийн өмнө Швейцарын Үндсэн хуульд эмэгтэйчүүд, эрчүүдийн тэгш эрх, тэр дундаа хөдөлмөрийн харилцаан дахь тэгш эрхийг баталгаажуулсан өөрчлөлтийг оруулж байв.

Г.Бямбасүрэн