Энэ зуур Францын хотуудад баривчилгаа үргэлжилж байгаа бөгөөд саатуулагдсан хүмүүсийн дундаж нас 17 , түүнээс ч бага насныхан байгаа гэнэ. Үймээн дэгдсэний улмаас сургуулиудын хичээлийг зогсоосон тул өсвөр насныхан гудамжны эсэргүүцэлд олноор оролцож байгаа аж. Улмаар Францын эрх баригчид хүүхдүүддээ анхаарал тавьж, үймээнд оролцуулахгүй байхыг эцэг эхчүүдэд уриалсны дээр хүүхдүүд нь эмх замбараагүй байдалд оролцсон эцэг эхчүүдэд хорих ял, 30 мянган еврогийн торгуулийн шийтгэл онооно гэж Францын Хуульзүйн сайд сануулсан байна. 

Америкийн бизнесмен Илон Маск Блүмберг агентлагаас гаргадаг, дэлхийн 500 чинээлэг хүний рейтингэд нэгдүгээрт бичигджээ. Түүний хөрөнгө 200 гаруй тэрбумаар үнэлэгдэж байгаа аж. 

Гэхдээ тэрбээр энэ мэдэгдэлдээ Вагнер компанийн цаашдын төлөвлөгөө болон өөрийгөө хаана байрлаж байгаа талаарх мэдээллийг өгсөнгүй. Пригожин бослогын дараа ганцхан удаа л мэдэгдэл хийж байсан бөгөөд зургадугаар сарын 26-ны өдөр түүний хэвлэлийн алба 11 минутын бичлэг цацсан юм. Энэ мэдэгдэлд тэрбээр "дэглэмийг унагах" гэж зориогүй хэмээж байлаа.

ОХУ дайн өдүүлсний дараахан буюу 2022 оны гуравдугаар сарын эхээр Юнилевер компани Орос руу хийх экспорт, энэ улсаас гарах импортыг зогсоож байгаагаа мэдэгдэж байсан юм. Түүнчлэн Орост хөрөнгө оруулахгүй, ОХУ-д зар сурталчилгаа, хэвлэл мэдээлэлд мөнгө зарцуулахгүй хэмээн онцолж байв.

Амстердамын Схипхол нисэх буудалд байх Schiphol Airport Retail компанийн татваргүй барааны дэлгүүрүүдэд хуванцар савтай ус зарахгүй байх шийдвэр гаргажээ. Энэ нь нэг удаагийн хуванцар сав хэт их ашиглаж байгаад олны анхаарлыг татах зорилготой гэж компанийн удирдлагууд мэдэгдсэн байна. 

Сөүл хотноо Өмнөд Солонгосын үндэсний найрал хөгжмийн тоглолтон дээр робот-андроид EveR 6 удирдаачаар ажиллажээ. Энэ талаар Ройтерс агентлаг мэдээлсэн байна. 

Домогт уран бүтээлч Мик Жаггер өмнө нь нэг л удаа гэрлэж байсан. Тэрбээр 1971-1978 оны хооронд Бьянка Жаггертай гэрлэж байжээ. Гэхдээ түүнд гэрлэлтээс гадуур төрсөн хүүхдүүд ч байдаг бөгөөд нийтдээ найман хүүхэдтэй аж.

Apple компани биеийн халуун хэмжигч, USB-C залгуураар цэнэглэгддэг болох зэрэг шинэ функцүүд бүхий шинэ AirPods чихэвч бүтээж байгаа гэнэ. Энэ талаар Блүмберг агентлаг мэдээлжээ.

Израиль дахь цахилгаан машин борлуулалтаар Америкийн Тесла компани 3298 цахилгаан машин зарж, гуравдугаарт бичигдсэн байна. Үүний араас 3134 машин борлуулсан, Өмнөд Солонгосын Hyundai Motor компани дөрөвдүгээрт бичигджээ.

Якутын нутаг дэвсгэрт ойн түймрийн улмаас онц байдлын дэглэм тогтоожээ. Одоогоор энэ улсын нутаг дэвсгэрт 110 түймэр асаж байгаа гэж ТАСС агентлаг мэдээлсэн байна.

Өнгөрсөн амралтын өдрүүдэд Чеченийн тэргүүн Рамзан Кадыровын "бие муу, үхлийн ирмэг дээр ирсэн, бөөр нь ажиллагаагүй болсон" гэх мэдээлэл тархаж байлаа. Үүний зэрэгцээ, Оросын Төрийн думын гишүүн Адам Делимхановыг сураггүй болсон гэх мэдээлэл ч гарч байв. Эдгээр мэдээллийг няцаан, Кадыров болон Делимханов нар олон нийтийн сүлжээгээр шууд эфирээр мэдэгдэл хийжээ. 

Филиппинд Майон галт уул сэрсний улмаас ойр орчмын суурин газруудаас иргэдийг нүүлгэн шилжүүлэх ажил үргэлжилж байгаа талаар МИР24 мэдээлжээ. 

Хятадын аялал жуулчлалын томоохон компани болох Trip.com Group ажилтнуудынхаа нийгмийн хангамжийн тал дээр томоохон алхам хийж, тус компанид ажилладаг хүмүүс бүл нэмж хүүхэдтэй болсон тохиолдолд хүүхэд бүрийн тоогоор мөнгөн тэтгэмж олгохоор болжээ.

Ромын пап Франциск Стокгольмд Коран судар шатаасан зэрэг үйлдэлд гутаж байгаагаа илэрхийлжээ. Бусдыг доромжлохын тулд эрх чөлөөг ашиглаж байгаа нь байж болшгүй хэрэг хэмээн тэрбээр мэдэгдсэн байна. 

Өнгөрсөн долоо хоногт 17 настай хүү цагдаагийн гарт амиа алдсанаас үүдэлтэйгээр Францын олон хотод эсэргүүцэл, эмх замбараагүй байдал газар авч, үймээн зургаа дахь өдөртөө үргэлжилж байна. 

Францад машин жолоодон явж байхдаа цагдаагийн шаардлага биелүүлээгүйн улмаас буудуулж амиа алдсан 17 настай Наэлийн үхлийн дараа Францын олон хотод эмх замбараагүй байдал дэгдэж, үймээн зургаа дахь өдрөө үргэлжилж байна.

"Вагнер" хувийн цэргийн компанитай холбоотой, ажлын зар нийтлэдэг Телеграм хуудсанд хөлсний цэргүүдийг элсүүлэх ажил нэг сарын хугацаанд зогсох болсон тухай мэдээлэл ням гарагт нийтлэгджээ. 

Саудын Арабт эрх баригчдын зөвшөөрөлгүйгээр хаж мөргөл үйлдэх гэсэн хэргээр 17 мянга гаруй хүнийг саатуулжээ. Энэ талаар Нийгмийн аюулгүй байдлын албанаас авсан эх сурвалжтайгаар Саудын Арабын мэдээний агентлаг дамжуулсан байна. 

Хотын дарга матартай гэрлэсэн нь "солиорсон", эсвэл "онцгойрох" гэсэн үйлдэлтэй огтхон ч холбоогүй аж. Энэ нь Сан-Педро-Уамелула хотод XVIII зуунаас хойш хадгалагдан үлдсэн заншил юм байна. Жил бүр энэ хотод хотын дарга эмэгчин матартай гэрлэх бэлгэдэл хурим болдог гэнэ. Эмэгчин матар байгаль эхийг бэлгэддэг бөгөөд тухайн хотын дарга матартай гэрлэснээр хүн дээд тэнгэртэй нэгдэж, нутаг орон элбэг хангалуун байна гэж үздэг аж.

Pyongyang Papers-ын мэдээлснээр, Hanne Ulaan компанийн Ерөнхий захирал Цой Чон Кон Болгарт байрлах компанид ажиллан, Оросын коксжих нүүрсийг худалдан авдаг байсан аж. Түүнчлэн Монголд Hanne Ulaan компаниас гадна Uran Tech компанийг байгуулан, Хятадтай нүүрсний худалдаа хийдэг гэж Pyongyang Papers-ийн материалд онцолжээ.