АНУ-ын Ерөнхийлөгчийн захиргаа Украинд үзүүлэх цэргийн ээлжит тусламжаа зарлажээ. Энэ удаад 250 сая ам.долларын тусламж үзүүлнэ гэж Төрийн департаментын сайт дээр нийтлэгдсэн мэдээлэлд өгүүлсэн байна. 

Болгарт Васил Божков гэх бизнесменийг баривчилжээ. Тэрбээр наймдугаар сарын 23-ны өдөр онгоцны ослоор амиа алдсан Евгений Пригожинтой холбоотой, түүнтэй хамтран бизнес эрхэлж байсан гэдэг.

Челябинск мужийн захирагчийн өгүүлснээр, сүйрсэн нисдэг тэрэг ОХУ-ын Холбооны аюулгүй байдлын албаных байсан гэнэ. Нисдэг тэрэгний сүйрлийн улмаас орон сууц, барилга байшин, хүн гэмтээгүй аж. 

Хүү өсөж том болсон ч төрсөн ээж ааваа хайх талаар бодож байгаагүй гэнэ. Харин нэгэн удаа Жимми нэгэн төрийн бус байгууллагын ачаар гэр бүлтэйгээ эргэн уулзсан, үрчлэгдсэн чили хүүхдүүдийн тухай мэдээ олж уншжээ. Ингээд төрийн бус байгууллагын ажилтнуудаас тусламж гуйж, тэд Жиммитэй холбоотой мэдээллүүдийг хайж эхэлсэн байна. 

Наймдугаар сарын 23-ны өдөр Оросын Тверь мужид хувийн онгоц осолдсон. Энэ онгоц нь Вагнер компанийн эзэн Пригожинийнх байсан бөгөөд тэрээр энэ онгоцонд Вагнерын бусад командлагчдын хамт зорчиж явсан гэж албаны эх сурвалжууд болон хэвлэлүүд мэдээлсэн юм. Осол болсноос нэг хоногийн дараа онгоцонд зорчиж явсан хүмүүсийн цогцсонд ДНХ шинжилгээ хийж, онгоцны ослоор амиа алдсан хүн нь Пригожин болон жагсаалтад нэрс нь байсан бусад хүмүүс мөн болох нь тогтоогдсон ч "Пригожин амьд" гэх таамаг мэдээлэл хэвлэлүүдээр тархсаар байна. Сүүлд гэхэд л Британийн Daily Mail сонинд гарсан нийтлэлд Пригожин амьд гэж Оросын улс төр судлаач Валерий Соловей ярьжээ.

Украины Дээд радын гишүүн, "Ард түмний зарц" намын гишүүн Александр Дубинский парламентын гишүүдийг фронт руу илгээх санал гаргажээ. Энэ талаар УНИАН мэдээлсэн байна. 

Наймдугаар сарын 29-нд шилжих шөнө Тоёота компанийн Япон дахь 14 үйлдвэр бүгд зогсжээ. Үүний шалтгаан нь өргөн цар хүрээтэй системийн доголдол байсан гэж Ройтерс агентлаг мэдээлсэн байна. 

Псковын нисэх буудал дээр иргэний болон цэргийн агаарын хүчин байрладаг юм. Энд Ил-7  онгоцоор зэвсэглэгдсэн, Берлиний улаан тугийн одонт цэрэг тээврийн 334 дүгээр нисэхийн хороол байрладаг аж.

Большой Уссурийск арал нь 350 квадрат километр орчим талбайг эзлэн оршдог. XIX зуунаас эхлээд Орос, Хятадын хооронд энэ арлын төлөө тэмцэл эхэлж, харин 1920-1930-аад онуудад Зөвлөлтийн цэргүүд хяналтаа тогтоож байв.

ОХУ-ын Ерөнхийлөгч Владимир Путин 2022 оны хоёрдугаар сарын 24-ний өдөр "цэргийн тусгай ажиллагаа" нэрийн дор  Украин руу халдах тушаал өгснөөр өнөөгийн дайн эхэлсэн. Энэ хугацаанд Украины олон мянган цэрэг эрс фронт дээр амиа алдсан бол Оросын арми хот сууринд цохилт өгсөөр байгаагийн улмаас амиа алдсан энгийн иргэдийн тоо ч өдрөөс өдөрт  нэмэгдсээр байна. 

"Дождь" сувгийн мэдээлснээр, Пригожиний ар гэрийнхний хүсэлтээр түүнийг оршуулах ёслолд гагцхүү ойр дотныхон болон дотны найзууд нь оролцжээ. Пригожинтой салах ёс хийх ёслол Порховын оршуулгын газарт 16:00 цагт дууссан, харин онгоцны ослоор амиа алдсан бусад хүмүүсийг энэ газар оршуулаагүй гэнэ.

Нисэх буудал руу хийсэн халдлагын гол бай нь энэ буудлын бүсэд байрлах газрын тосны бааз байсан байж болзошгүй гэж "Псковская губерния" сонин бичжээ. Өөр нэг хувилбараар бол, 2022 онд Буча хотыг эзлэн түрэмгийлэхэд оролцсон, 104 дүгээр десантын хороо байрлах Черехинскийн цэргийн бааз дээр цохилт өгөх зорилготой байсан гэнэ. Нисэх буудал руу халдсан дронуудыг хаанаас нисгэсэн нь тодорхойгүй. Цэргийн шинжээчдийн үзэж байгаагаар, Псков Украины хооронд 700 км орчим зайтай, тиймээс Украинаас нисгэсэн байх боломжгүй, харин Украиныг дэмждэг Латви 50 километр, харин Эстони ердөө 30 километр зайд оршдог тул чухамхүү тэндээс дронуудыг хөөргөсөн байж болзошгүй аж.

Туркийн Анталия хотод тун өвөрмөц бүлэг жуулчин иржээ. Ердийн үед жуулчдын бүлэг гэдэгт 5-20 эсвэл зуу орчим жуулчныг хэлдэг бол энэ удаад нэг дор 4500 хүнээс бүрдсэн жуулчдын баг Анталия хотод буусан аж. 

Коронавирусийн халдвар тархахаас сэргийлж гурван жил долоон сарын өмнө тавьсан хилийн хоригоо Хойд Солонгосын эрх баригчид цуцалжээ. Энэ талаар KBS телевиз мэдээлсэн байна. 

Дуучдын эрхийг хамгаалах байгууллага Эминем нэрээрээ алдартай Маршалл Брюс Мэтерсийн хүсэлтээр АНУ-ын Ерөнхийлөгчийн сонгуульд нэр дэвшигч Вивек Рамасвамгийн сонгуулийн штабт хандан, Эминемийн дууг ашиглаж болохгүй гэдгийг сануулжээ. Энэ талаар CNN агентлаг мэдээлсэн байна. 

Хууль бусаар Британид ирсэн хүмүүсийг саатуулах боломжгүй үед тэднийг зугтаалгахгүйн тулд байршил заагч бугуйвч тарааж өгөх хувилбарыг хэлэлцэж байгаа гэнэ. Гэвч бугуйвч хүрэлцэхгүйн дээр энэ шийдвэрийг хэрэгжүүлвэл асар их зардал гарна гэж зарим албан тушаалтнууд болгоомжилж байгаа юм байна.

Хятадад сүүлийн жилүүдэд интернет үйлчилгээг хүртээмжтэй болгох тал дээр томоохон алхмуудыг хийж, өнгөрсөн онд гэхэд л нийт нутгийн 80 орчим хувьд интернет үйлчилгээг нэвтрүүлсэн гэж мэдээлж байлаа. 

Хиймэл оюун ухаан хөгжихийн хэрээр энэ технологийн ашиглалтыг дагасан эрсдэлүүд үүссээр байна. Дэлхийн хэд хэдэн оронд хиймэл оюун ухаан ашиглаж төгсөлтийн ажлаа хийсэн тохиолдол гарч, улмаар хиймэл оюун ухааныг ашиглах зохицуулалтыг хийхээс аргагүй болсон юм. Энэ удаад БНХАУ-д энэ төрлийн зохицуулалт хийхээр болжээ.

Сургуулийн орчинд мөрдөх энэ шийдвэрийн талаар  саяхан Үндэсний боловсролын сайдын албан тушаалд томилогдсон, 34 настай Габриэль Атталь мэдэгдсэн байна. Түүний үзэж байгаагаар, ангид ороод хүүхдүүдийн хувцсаар нь тэдний шашин  шүтлэгийг тодорхойлдог байж болохгүй гэнэ.

Японы Гадаад хэргийн яам Хятад руу аялах гэж байгаа эсвэл энэ улсад байгаа япончуудад хандан аюулгүй байдлын арга хэмжээгээ чангатгахыг уриалжээ. Энэ нь Япон улс атомын цахилгаан станцаас цэвэршүүлсэн ус тэнгист асгаж эхэлсний дараа Хятадад үүнийг эсэргүүцэн, Японтой холбоотой байгууллагууд руу халдаж эхэлсэнтэй холбоотой аж.