Одон орон судлаачид K2-18b гараг дээр амьдрал байж болзошгүй хэд хэдэн ул мөрийг илрүүллээ. Учир нь K2-18b гарагийн агаар мандалд амьд биет оршин буйг илтгэсэн шинж тэмдэг тод илэрсэн байна. Жэймс Вэбб сансрын телескопоор хийсэн судалгаанд K2-18b гарагийн агаар мандалд диметил сульфид (DMS), диметил дисульфид (DMDS) хэмээх бодисууд илэрчээ. Энэ бодиснууд нь зөвхөн манай гарагийн далайн бичил биетээс үүдэг аж.
ОХУ-ын Дээд шүүх Талибан бүлэглэлийг "террорист байгууллага" хэмээн тодорхойлсон хуучин шийдвэрээ хүчингүй болгож, хоригийг албан ёсоор цуцалсан байна. Афганистаны эрх баригч Талибан бүлэглэлийг ОХУ-ын тал 2003 онд террорист байгууллагын жагсаалтад оруулж, тус бүлэглэлтэй харилцах аливаа үйлдлийг хууль зөрчсөнд тооцдог байв.
АНУ-ын Төрийн нарийн бичгийн дарга Марко Рубио болон Ерөнхийлөгчийн тусгай төлөөлөгч Стив Уиткофф нар Францын нийслэл Парис хотноо Украин, Европын холбооны төлөөлөгчидтэй уулзлаа. Энэ уулзалтаар ОХУ-ын түрэмгийллийн эсрэг Украины хамгаалалтыг улам бэхжүүлэх асуудлаар хэлэлцсэн байна.
АНУ-ын Ерөнхийлөгч Дональд Трамп Италийн Ерөнхий сайд Жоржиа Мелони нар худалдааны хэлэлцээр байгуулах боломжийн талаар хэлэлцэв. АНУ, Европын хооронд худалдааны хэлэлцээр байгуулагдаж импортын тарифын асуудлыг шийдвэрлэж магадгүй уулзалт эерэг уур амьсгалтай болж байна.
лорида мужийн FSU-ийн оюутны хотхонд зэвсэгт халдлага болж 5 хүн амиа алдаж 6 хүн шархдаад байна. Халдлага үйлдсэн этгээд үдийн цайны цагаар оюутны хотхонд гал нээж эхэлжээ. Гэмт этгээд болох 20 настай FSU-ийн оюутан Финикс Икнер нь Флорида мужийн Леон дүүргийн цагдаагийн ажилтны хүү, загвар өмсөгч байсан гэж эх сурвалжууд мэдээлж байна.
АНУ-ын БНХАУ-д ногдуулсан импортын тариф хөрөнгийн зах зээлд тогтворгүй байдал хувьцааны ханшид нөлөөлж байна. Хөрөнгө оруулагчдын хувьд АНУ, БНХАУ-ын зах зээлд хөрөнгө оруулахаас татгалзаж, тодорхойгүй нөхцөл байдлыг ажиглаж буй. Тиймээс дэлхийн зах зээлд алтны үнэ шинэ дээд амжилт тогтоож лхагва гарагийн байдлаар унци тутам нь 3,357.40 ам.долларт хүрээд байна.
ОХУ-ын эрх баригчид Мариуполь хотоос дүрвэсэн Украины оршин суугчдын орон сууц, байшингуудыг хураан авах ажлаа эрчимжүүлж байна. ОХУ-ын арми Мариуполь хотыг эзлээд гурван жилийн хугацаа өнгөрсөн бөгөөд дээрх хугацаанд Мариуполь хотын иргэд гэрээ орхин дүрвэсээр байгаа юм.
Калифорни муж Дональд Трампын импортын тарифыг шүүхэд өгсөн АНУ-ын анхны муж улс боллоо. Тус мужийн амбан Гэвин Ньюом Дональд Трампын импортын тариф нь дэлхийн худалдааны дайныг өдөөж, эдийн засагт эмх замбараагүй байдал үүсгэж хэмээн буруутгаж нэхэмжлэл гаргажээ.
Перугийн Ерөнхийлөгч асан Олланта Хумала мөнгө угаасан хэрэгт буруутгагдаж эхнэрийн хамт 15 жилийн ял сонслоо. Лима хотын шүүх Ерөнхийлөгч асан Олланта Хумалаг Венесуэлийн Ерөнхийлөгч асан Уго Чавес болон Бразилийн барилгын “Odebrecht” компаниас хууль бус мөнгө авч сонгуулийн компанит ажилдаа зарцуулсан гэж үзсэн байна. Перугийн Ерөнхийлөгч асан Олланта Хумала нь 2006, 2011 онуудад болсон ерөнхийлөгчийнс сонгуульд зарцуулах гэж хууль бус мөнгийг дээрх эх үүсвэрүүдээс хүлээн авсан байна.
АНУ-ын Төрийн департамент гадаадын төслүүдэд олгох нийт 214 сая ам.долларын 139 буцалтгүй санхүүжилтийг цуцалсан тухай “The Washington Free Beacon” сонинд нийтэлжээ. АНУ-ын Төрийн нарийн бичгийн дарга Марко Рубио энэ шийдвэрийг баталсан бөгөөд уг шийдвэр өчигдрөөс хэрэгжиж эхэлжээ.
Хятадын баруун өмнөд хэсэгт орших Гуйжоу мужид дэлхийн хамгийн өндөр гүүр ашиглалтад ороход бэлэн болжээ. Ирэх зургадугаар сард нээлтээ хийх уг гүүр нь Хятадын инженерчлэлийн гайхамшгийг харуулсан бүтээн байгуулалт болж байна.
АНУ-ын Ерөнхийлөгч асан Дональд Трампын засаг захиргаа 2026 оны санхүүгийн жилийн Төрийн департаментын төсвийг эрс танах санал гаргасан талаар “Reuters” болон “Associated Press” агентлагууд мэдээллээ.
БНХАУ-ын эрх баригчид дотоодын агаарын тээврийн компаниудад АНУ-ын “Boeing” компаниас онгоц, эд анги, тоног төхөөрөмж худалдан авахаа зогсоох чиглэл өгсөн байна.Энэ нь хоёр улсын хооронд өрнөж буй худалдааны дайнаас улбаатай бөгөөд өнгөрсөн мягмар гарагт Хятадын тал АНУ-ын бараанд 125 хувийн татвар ногдуулсан юм.
Хиймэл оюун ухааны салбарын гол бүрэлдэхүүн чип үйлдвэрлэгч "Nvidia" компани худалдааны дайнаас их хэмжээний алдагдал хүлээхээр байна. Тус компанийн мэдээлснээр, АНУ-ын Засгийн газар Хятад руу хийх чипний экспортыг чангатгасанаар хамгийн багадаа 5.5 тэрбум ам.долларын зардал хүлээх төлөвтэй байна гэжээ. "Nvidia" Хятадын зах зээлд хамгийн эрэлттэй H20 хиймэл оюун ухааны чипийг экспортлохын тулд Холбооны Засгийн газраас тусгай зөвшөөрөл авах болсон.
Шатрын спортын эмэгтэйчүүдийн дэлхийн аваргын тэмцээн БНХАУ-д үргэлжилж байна. Даваа гарагт дэлхийн аваргын төлөөх найм дахь өрөг боллоо. Найм дахь өрөгт дэлхийн 17 дахь аварга, Хятадын гроссмейстер Жү Вэнжүн ээлжит хожлоо авч, гол өрсөлдөгч Тан Жүнийг дахин буулгаж авлаа.
БНХАУ-ын Жянсү мужийн Наньтун хотын Хаймэнь дүүрэг орчимд хөх мөрний доогуур туннель барих түүхэн бүтээн байгуулалт эхэллээ. Энэхүү бүтээн байгуулалт нь дэлхийн усан доорх авто замын хамгийн том бүтээн байгуулалт юм. Усан доорх хамгийн урт туннель барих ажилд БНХАУ өөрсдийн инженерүүдийн зохион бүтээсэн хонгил ухагч төхөөрөмжийг ашиглаж байна гэж CCTV мэдээлэв.
"Amazon" компанийг үүсгэн байгуулагч Жефф Безосын “Blue Origin” компани эмэгтэй алдартнуудаас бүрдсэн баг сансарт илгээж түүх бүтээв. “Blue Origin” компанийн зохион бүтээсэн “New Shepard” хөлөг Техас муж дахь талбайгаас амжилттай хөөрсөн байна. Эмэгтэй алдартнуудаас бүрдсэн баг сансарт ниссэн нь 1963 онд ЗХУ-ын сансарын нисгэгч Валентина Терешковаас хойш эмэгтэй хүн сансарт ниссэн анхны тохиолдол болов.
БНСУ-ын засгийн газар чип үйлдвэрлэлийн салбараа тэлэх бодлого баримталж байна. Энэ хүрээнд тус улсын Засгийн Газар 2025 онд хагас дамжуулагчийн салбартаа 23.1 тэрбум ам.долларын хөрөнгө оруулалт хийхээ зарлаад байгаа аж.
АНУ-ын Ерөнхийлөгч Дональд Трамп Харвардын Их сургуулийн санхүүжилтийг царцаалаа. Тодруулбал даваа гарагт Холбооны Засгийн газар Харвардын их сургуульд олгогддог тэтгэлэгийн 2.2 тэрбум ам.доллар болоод үйл ажиллагааны 60 орчим сая ам.долларын санхүүжилтийг шийдвэр гаргасан тухай CNN мэдээллээ.
БНХАУ-ын дарга Ши Жиньпин хэдий хариу арга хэмжээ авч байгаа ч дэлхийд эдийн засгаараа тэргүүлэгч улсуудын сөргөлдөөн бусад улсад сөрөг нөлөө үзүүлэхийг хүлээн зөвшөөрч “Худалдааны дайнд ялагч үгүй” гэж мэдэгдсэн юм. Ши Жиньпины хувьд өнөөдөр Вьетнамын Ханойд айлчлах бөгөөд тарифын дайнд хамгийн их өртөж буй Зүүн Өмнөд Азийн улсуудтай харилцаагаа бэхжүүлэхийг зорьж байна.