АНУ-ын Денверийн олон улсын нисэх онгоцны буудалд “American Airlines” компанийн хөдөлгүүрт нь гэмтэл гарсан зорчигч тээврийн онгоц газарджээ. Денверийн олон улсын нисэх онгоцны буудалд газардсан агаарын тээврийн 1006 дугаарт нислэгийн зорчигчид онгоцныхоо далавчин дээр гарцгааж буй бичлэг олон нийтийн сүлжээнд цацагдсан байна.
АНУ-ын Ерөнхийлөгч Дональд Трамп ган, хөнгөн цагааны импортын тарифыг 25 хувь болгон нэмэгдүүлсэн. Дэлхийн бүх улсуудад ижил үйлчлэх ган хөнгөн цагааны тарифын эсрэг Европын холбоо хариу арга хэмжээг нэн даруй авч АНУ-ын 28 тэрбум долларын бараа бүтээгдэхүүнд 25 хувийн татвар, архи согтууруулах ундаанд 50 хувийн татвар ногдуулаад байна.
ОХУ-ын Ерөнхийлөгч Владимир Путин пүрэв гарагт хэвлэлийн хурал хийх үедээ АНУ-ын тавьж буй гал зогсоох хэлэлцээрийн саналын дэмжиж буйгаа илэрхийллээ. Тэрээр, -“Бид гал зогсоох саналыг хүлээн зөвшөөрч байна. Гэхдээ гал зогсоох хэлэлцээр нь урт хугацаанд үргэлжилж энх тайвныг тогтооход чиглэх ёстой. Мөн хямрал үүсэж буй үндсэн шалтгааныг судлах нь зүйтэй” хэмээн мэдэгдээд байна.
АНУ-ын Ерөнхийлөгч Дональд Трамп дэлхийн бүх орноос экспортолж буй ган, хөнгөн цагаанд 25 хувийн гаалийн татвар ногдуулсан нь дэлхий даяар худалдааны дайн үүсгэх эрсдэл үүсгэв. Лхагва гарагт гаргасан Дональд Трампын шийдврийн хариуд Европын холбоо тэр даруйд нь хариу арга хэмжээ барьсан бөгөөд АНУ-аас импортлох 28 тэрбум долларын бараанд хариу татвар ногдууллаа.
АНУ Украинд эргээд цэргийн тусламж үзүүлэх, тагнуулын мэдээллээ хуваалцах тохиролцоог хийгээд байна. Цэргийн тусламжийн тээвэрлэлт ойрын хугацаанд дахин эхлэх төлөвтэй байна. Тэгвэл CNN агентлаг АНУ-аас Украинд нийлүүлсэн цэргийн тусламж ямар өртөгтэй, мөн тусламжийн хүрээнд ямар зэр зэвсгийн дэмжлэг очсон тухай онцолжээ.
Филиппины Ерөнхийлөгч асан Родриго Дутерте хүн төрөлхтний эсрэг гэмт хэрэгт буруутгагдаад байна. Тэрээр Филиппин улсын Ерөнхийлөгчөөр ажиллаж байх хугацаандаа хар тамхины картельтай тэмцэж 6000 орчим хүчний аминд хүрчээ. Түүнийг мягмар гарагт Манила хотоос баривчилсан бөгөөд одоогоор Нидерландын Олон Улсын Эрүүгийн Шүүхийн хорионд байна.
АНУ-ын Ерөнхийлөгч Дональд Трамп импортын ган болон хөнгөн цагаанд 25 хувийн татвар ногдууллаа. Энэ шийдвэр нь Дональд Трампын худалдааны дайны нэг хэсэг бөгөөд АНУ-ын худалдааны алдагдлыг бууруулах зорилготой.
АНУ-ын Ерөнхийлөгч Дональд Трамп Мексик, Канад, Хятадын бараа бүтээгдэхүүнд ногдох импортын татварыг нэмэгдүүлсэн нь дэлхий даяар хөрөнгийн зах зээлд нөлөөлж, хувьцаануудын ханшид нөлөөлж эхэллээ. Тэр дундаа технологийн компаниудад нөлөөлж хувьцааны ханш унаж байна. Тухайлбал Nasdaq индекс 2022 оноос хойшх хамгийн муу үзүүлэлт дээр ирсэн бөгөөд энэ нь АНУ-ын эдийн засаг “шилжилтийн үе дээр” ирсэнийг харуулж байна гэж шинжээчид харж байна. Мягмар гарагийн арилжаагаар Японы Nikkei 225 индекс 2.5 хувиар БНУ-ын Kospi индекс 2.3 хувиар Австралийн S&P/ASX 200 индекс 1.8 хувиар буураад байна. Харин даваа гарагт Америкийн топ компаниудыг хянадаг S&P 500 индекс 2.7 хувиар буурсан бол Dow Jones Industrial Average 2 хувиар буурчээ.
АНУ-ын Олон улсын хөгжлийн агентлаг (USAID)-ын хөтөлбөрүүдийн 80 хувь зогсоод байгаа. USAID-ийн хөтөлбөрүүдийн 80 хувь зогсож, үлдсэн 18 хувийг нь АНУ-ын Төрийн департамент хариуцан хэрэгжүүлэхээр болсон. АНУ-ын Тусламжийн хөтөлбөрүүд зогсох нь дэлхий даяар хүмүүнлэгийн хямрал үүсгэж, өлсгөлөн, үймээнээс эхлээд хүний амь насанд хүрэх асуудлууд хөндөгдөнө гэж үзэж байна.
АНУ, Украины төлөөлөгчид Саудын Арабт болох энхийн гэрээ байгуулах яриа хэлэлцээнд оролцохоор Саудын Араб улсад ирж байна. Хэлэлцээ эхлэхээс өмнө буюу даваа гарагт АНУ-ын төрийн департментаас “Украин улс хэсэгчлэн гал зогсоох санал гаргасан. Үүнд, Тэнгисийн болоод агаарын цэргийн хүчинд гал зогсоох хувилбар дэвшүүллээ” гэж мэдэгдсэн юм.
Орос-Украины дайныг зогсоох дараагийн шатны уулзалт мягмар гарагт Саудын Араб улсад болно. Энэ уулзалтад АНУ-ын талаас Төрийн нарийн бичгийн дарга Марко Рубио, Үндэсний аюулгүй байдлын зөвлөх Майк Вальц нар оролцохоор боллоо.
БНСУ АНУ-тай хамтран жил бүр уламжлал болгон хийдэг “Эрх чөлөөний бамбай” цэргийн сургуулилтийг даваа гарагт эхлүүллээ. Хоёр улсын хамтарсан цэргийн сургуулилтыг Хойд Солонгосын зүгээс заналхийлэл, өдөөн хатгалт хэмээн үзсээр байна.
Канадын Төв банкны ерөнхийлөгч асан Марки Карни тус улсын эрх баригч Либерал намын даргын сонгуульд ялалт байгууллаа. Ингэснээр Марк Карни Канадын Ерөнхий сайд Жастин Трюдогийн залгамж халаа болох нь тодорхой болж байна.
АНУ-ын Ерөнхийлөгч Дональд Трамп Канад болон Мексикийн бараа бүтээгдэхүүнд ногдуулах импортийн татварыг 25 хувь болгон нэмэгдүүлэх шийдвэр гаргасан байдаг. Энэ шийдвэр мягмар гарагаас хэрэгжиж эхэлсэн ч зарим маргааны улмаас түр зогссон байна.
Энэ сарын 6-ны өдөр SpaceX компанийн сансарт хөөргөсөн Starship пуужин дэлбэрсэн байна. Нислэгийн өмнөхөн Элон Макс өөрийн Х хуудаснаа хэд хэдэн бичлэг хуваалцсан бөгөөд пуужин хөөрсөний дараахан осолдсон байна.
БНСУ-ын агаарын цэргийн хүчний KF-16 хоёр сөнөөгч онгоц цэргийн сургуулилтын үеэр агаар-газар ангиллын найман бөмбөг андуурч хаясаны улмаас 15 хүн гэмтэж бэртсэн байна.
АНУ-ын Украинд үзүүлэх тусламж түр зогсоод байгаа. Тэгвэл АНУ-ын цэргийн тусламж дэмжлэг зогсож байгаатай холбоотойгоор АНУ-ын тагнуулын мэдээллээ Украинд хуваалцахаа түр зогсоож байна. АНУ-ын Үндэсний аюулгүй байдлын зөвлөх Майк Вальц Украинтай тагнуулын мэдээлэл солилцохоо түр зогсоож буйгаа баталгаажуулсан бөгөөд тагнуулын үйл явцаас "Бид нэг алхам ухарлаа" гэж онцолсон юм.
Францын Ерөнхийлөгч Эммануэль Макрон цөмийн зэвсгийн хамгаалалтаа өргөжүүлж Европын бусад холбоотон орнуудаа хөтөлбөртөө хамруулах асуудлыг хэлэлцэнэ гэж мэдэгдлээ. Францын Ерөнхийлөгч Эммануэль Макроны мэдэгдэлд дурдсанаар “Орос Украины дайн дахь АНУ-ын байр суурь өөрчлөгдсөн учир Европ байнгын бэлэн байдалд байх ёстой” гэв.
Дональд Трамп Украиныг ОХУ-тай энхийн хэлэлцээрт орох, газрын ховор элементийн салбарт АНУ-тай хамтарч ажиллах шахалт үзүүлсээр гарцаагүй байдалд орууллаа. Украины Ерөнхийлөгч В.Зеленский Дональд Трамптай хийсэн эхний уулзалтад өөрийн байр суурийг хамгаалсан ч эцэст нь “буулт” хийж, АНУ-тай газрын ховор элементийн салбарт хамтарч ажиллах гэрээ байгуулах санал өөрөө гаргав. Энэ бол В.Зеленский ОХУ-тай энхийн гэрээ байгуулах асуудал яригдах эхний алхам бөгөөд АНУ болон Украины төлөөлөгчид ойрын хугацаанд дахин уулзалт хийхээр боллоо.
Украины Ерөнхийлөгч Володимир Зеленский АНУ-ын Ерөнхийлөгч Дональд Трамптай газрын ховор элементийн салбарт хамтран ажиллах гэрээ байгуулах санал дэвшүүллээ. В.Зеленский хамтран ажиллах саналаа захидлаар илгээсэн бөгөөд Дональд Трамп уг саналыг нь сайшаасан байна.