Ялтан солилцоогоор суллагдаж, эх оронруугаа буцах өмнө өршөөгдсөн Бриттни Грайнер нь Олимпын хоёр удаагийн аварга бөгөөд Оросын Уралын клубт багтан тоглож байжээ. Тэрбээр энэ оны хоёрдугаар сард Москвагийн Шереметьево нисэх буудал дээрээс баривчлагдсан юм. Учир нь түүний электрон тамхины төхөөрөмжөөс эмчилгээний зориулалттай марихуан илэрсэн аж.

Иранд есдүгээр сард Махса Амини гэх залуу бүсгүй хижабаа буруу өмссөн хэргээр цагдаагийнханд саатуулагдаж, дараа нь нас барсан нь Иран даяар эсэргүүцэл дэгдэх шалтгаан болсон юм. Ираны иргэд улс даяар эсэргүүцэлд нэгдэж, үймээн самуун газар авсан юм. Тус улсын эрх баригчид энэ эсэргүүцлийг хууль бус хэмээн үзэж, оролцогчдод хатуу шийтгэл онооно гэж мэдэгдсэнээрээ олон улсын зүгээс шүүмжлэлтэй тулгарч байв. Гэсэн ч Ираны эрх баригчид олон улсын шүүмжлэлийг үл харгалзан жагсаалд оролцогчдыг олноор нь баривчилж, 20 гаруй хүнд цаазын ял оноожээ. 

Германы канцлер Олаф Шольц Германы холбооны канцлерын албан тушаалд дахин нэрээ дэвшүүлэх төлөвлөгөөтэй байгаа гэж мэдэгджээ. Тэрбээр 2025 онд болох бундестагийн сонгуульд ялснаар канцлерын албан тушаалд улиран сонгогдох боломжтой юм. 

Энэ 2022 онд хүмүүсийн хамгийн их хайсан эрэлт ихтэй хайлтыг Google нэрлэжээ. 2022 онд хүмүүс Wordle гэх тоглоомыг Google хайлтын системээс хамгийн их хайсан гэж ВВС агентлаг мэдээлсэн байна. Хэрэглэгчид хамгийн их хайсан Wordle  гэх тоглоом нь үг таадаг тоглоом аж. 

Индонезийн хүний эрхийг хамгаалагчид Засгийн газрын ордны гадаа эсэргүүцлийн жагсаал зохион байгуулжээ. Тэд гэр бүлээс гадуурх бэлгийн харилцаанд орсон хүмүүсийг хорих ялаар шийтгэнэ гэсэн Эрүүгийн хуулийн шинэ зүйл заалтыг эсэргүүцэж байгаа аж. 

Түүнчлэн Кастильог эрх мэдлээ урвуулан ашигласан, олон нийтийн амгалан тайван байдлыг алдагдуулсан, албан тушаалаа хашиж байх үед нь л нээсэн, авлигын гэмт хэрэгтэй холбоотой эрүүгийн хэрэгт холбогдсон талаар эх сурвалж мэдээлжээ.

Германд Хятадын Синовак вакциныг албан ёсоор бүртгэжээ. Улмаар ХБНГУ-ын Эрүүл мэндийн сайд Карл Лаутербах коронавирусийн эсрэг вакциныг Хятадаас импортлохыг зөвшөөрсөн байна. 

Ирэх онд украинчуудын хувьд тайван цаг үе ирж магадгүй гэж Украины Ерөнхийлөгч Володимир Зеленский үзэж байгаа аж. Тэрбээр энэ талаар Politico сонинд ярилцлага өгөх үеэрээ мэдэгджээ. 

Прокуроруудын өгүүлснээр, баривчлагдсан этгээдүүд өнгөрсөн жил "Герман дахь засгийн газрыг түлхэн унагах, өөрсдөө байгуулсан хэлбэрээр төр засгийг тохинуулахаар алан хядах байгууллага" байгуулсан хэрэгт сэжиглэгдэж байгаа юм байна.

Өнгөрсөн сараас эхлэн Оросын арми Украины дэд бүтэц, тэр дундаа эрчим хүчний объектуудад пуужингаар цохилт өгөх нь эрчимжиж, улмаар Украин даяар эрчим хүчний хомсдол нүүрлэх болсон юм. Энэ хомсдолын улмаас Украины нийслэл цахилгаан эрчим хүч, ус, дулаангүй өвөлжиж болзошгүй болсон талаар Киев хотын дарга Виталий Кличко Ройтерс агентлаг өгсөн ярилцлагадаа онцолжээ. 

Хятадад гурван жилийн туршид хатуу хөл хорион дор амьдарч байсан иргэд өнгөрсөн сарын сүүлээр эрх баригчдынхаа бодлого, хатуу хязгаарлалтыг эсэргүүцэн жагсаал, үймээн дэгдээж байсан. Үүний дараа зарим хот, мужийн захиргаа ковидын хязгаарлалтыг бага зэрэг сулруулж эхэлсэн юм. 

Хөлбөмбөгийн дэлхийн аварга шалгаруулах тэмцээн эхэлснээс хойш эхний 17 өдрийн дотор Катар улс 765 мянган жуулчин хүлээн авчээ. Энэ талаар тэмцээн зохион байгуулагчид мэдээлснийг Ройтерс агентлаг дамжуулсан байна. 

Өмнөд Солонгосын ачааны машины жолооч нар бүх нийтээр ажил хаялт зарлаад багагүй хугацаа өнгөрч байна. Энэ ажил хаялт бараа бүтээгдэхүүний нийлүүлэлт зэргээр эдийн засагт ихээхэн сөргөөр нөлөөлж байгаа юм. 

Талибууд Афганистанд төрийн эрхэнд гарснаас хойш шариатын хуулийг сэргээж байгаа юм. Улмаар гэмт хэрэг үйлдсэн гэж үзсэн хүнийг хатуу шийтгэж байгаагийн дээр төрийн эрхэнд дахин гарснаасаа хойш анх удаа лхагва гарагт олны өмнө цаазын ял гүйцэтгэжээ. 

Туркийн парламентын гишүүд төсөв хэлэлцэх үеэрээ маргалдан, улмаар зодолджээ. Зодооны улмаас толгойндоо гэмтэл авсан нэг гишүүнийг эмнэлэгт хүргэсэн талаар Туркийн Sputnik агентлаг мэдээлсэн байна.

Ийнхүү Кастильог огцруулсны дараа дэд Ерөнхийлөгч Дина Болуарте Ерөнхийлөгчийн тангараг өргөж, Перугийн анхны эмэгтэй Ерөнхийлөгч боллоо. Олон улсад тархсан гэрэл зургууд дээр Кастильо цагдаагийнхантай хамт явж байх бөгөөд гэхдээ түүнийг баривчлан саатуулсан эсэх нь одоогоор тодорхойгүй байна. 

Нидерландын шигшээ болон Барселонагийн тоглогс асан Рональд де Бур Нидерланд, Аргентины хооронд болох хөлбөмбөгийн ДАШТ-ий шөвгийн наймын тоглолтын талаарх сэтгэгдлээ хуваалцжээ. 

Хятад, Япон руу Монголын Ерөнхийлөгч амжилттай айлчлаад ирсэн гэдгийг Бережных онцоллоо. Түүнчлэн, Монголд саяхан АНУ-ын шинэ элчин сайд Ричард Буанган томилогдон ирсэн бөгөөд тэр ирэнгүүтээ л монгол хэл сураад эхэлсэн гэж судлаач онцолсон байна. Бережных Буанганыг PR болон "зөөлөн хүч"-ээр мэргэшсэн хүн гэжээ.

Түүнчлэн украинчуудын ихэнх нь зугтаж, амиа аврахын оронд "ямар ч хамаагүй гартаа таарсан зэвсэг шүүрэн авч, хот, суурингаа танк, нисдэг тэргээр зэвсэглэсэн түрэмгийлэгчдээс хамгаалахаар боссон" хэмээн сэтгүүл онцолсон байна.

Украины Днепр хотын зөвлөл Александр Пушкин, Михаил Ломоносов, Максим Горький болон Орос, ЗХУ-ын түүхтэй холбоотой бусад зүтгэлтнүүдийн хөшөөг буулгаж, шилжүүлэн байршуулахаар болжээ. Ийм шийдвэрийг хотын зөвлөлийн гүйцэтгэх хороо 12 дугаар сарын зургааны өдөр гаргасан талаар "Эрх чөлөө" радио мэдээлсэн байна.