Энэтхэгийн Батлан хамгаалах яам "Пралай" баллистик пуужингаас 120 ширхэгийг худалдан авахаар болжээ. Эдгээр пуужинг Пакистан, Хятадтай залгах хил дээр байршуулахаар төлөвлөж байгаа гэж Коммерсант мэдээлсэн байна. 

Эх сурвалжийн мэдээлснээр, одоо энэ пуужинг боловсруулж дуусаж байгаа бөгөөд тусгалыг нь ихээхэн нэмэгдүүлж болзошгүй гэнэ. Энэ пуужинг сөргөлдөгчийн агаараас эсэргүүцэн хамгаалах системийн алсын тулааны систем болон бусад зэвсэглэлийг устгахад ашиглах магадлалтай  гэж шинжээчид үзсэн байна. Хатуу түлшит "Пралай" баллистик пуужин нь "газар-газар" ангиллынх бөгөөд 150-500км зайд байх бай онох, 350-700кг жинтэй хошуу тээвэрлэх, нислэгийн чигээ өөрчлөх чадвартай гэнэ. 

Энд дуулгахад, Хятад, Энэтхэгийн маргаантай бүсэд энэ сард хоёр орны хилчдийн дунд мөргөлдөөн гарсан. Энэ нь 2020 оны тавдугаар сараас хойш тохиосон анхны мөргөлдөөн юм. Мөргөлдөөнийг зохицуулж чадсан ч Хятад улс Энэтхэгтэй залгаа хил дээр цэрэг татан төвлөрүүлсээр байгаа энэ үед Энэтхэг баллистик пуужин худалдан авч, байршуулахаар болсон нь олон улсын анхаарлыг ихээхэн татаж байна.

Г.Бямбасүрэн