CNN агентлагийн мэдээлснээр, Их Британийн нийслэл Лондон хотын Уэмбли цэнгэлдэх хүрээлэнгийн гэрэл, Ромын Колизей, Сиднейн дуурийн театр болон Торонто дахь CN Тауэр цамхагийн гэрлийг болон Латвийн төв талбайн гэрлэн чимэглэлийг "Украины цаг" арга хэмжээний хүрээнд унтраасан байна.
Бүргэдчин охин Айшолпан Нургайыпийн талаар өгүүлэх, англи хэл дээр хэвлэгдсэн энэ номын нээлтэд Казахстаны Ерөнхийлөгчийн захиргааны орлогч дарга Аида Балаева, номын зохиолч Лиз Уэлш, бүтээлийн баатар Айшолпан, Казахстаны Мэдээлэл, нийгмийн хөгжлийн сайд Дархан кыдырали, Монгол Улсын Ерөнхийлөгч асан Н.Энхбаяр болон бусад зочид оролцжээ.
Улмаар эмэгтэй оюутнуудыг сургууль руу оруулахгүйн тулд зэвсэглэсэн талибууд их дээд сургуулиудын орчимд эргүүлд гарч байгаа талаар Евроньюс агентлаг мэдээлжээ. Мөн өөр хоорондоо салах ёс хийн уйлж байгаа бүсгүйчүүдийг хараалсан дүрс бичлэгүүд олон нийтийн сүлжээгээр тархсан байна.
"Шударга ертөнц гэж юу вэ? Хүн бүрийн хувьд энэ нь өөр өөр утга агуулна. Миний хувьд,ерөнхийлөгчийн хувьд энэ нь тусгаар тогтнол, нутаг дэвсгэрийн бүрэн бүтэн байдлын тухайд ямар ч буулт хийхгүй, Оросоор материаллаг хохирлоо нөхөн төлүүлэхийг хэлнэ.Харин хүүхдүүдээ алдсан эцэг эхчүүдийн хувьд шударга ертөнц гэж юу вэ? Тэдний хувьд мөнгө бол юу ч биш. Тэд өш хонзонгоор амьдарч байна. Дайн удаашрах тусам ийм хүмүүс олширно. Тэд үргэлжлүүлэн амьдрахаас өөр арга. Би ийм хүмүүсийг мэднэ" хэмээжээ.
Энэтхэгт жил бүр зохион байгуулдаг бага хурлынхаа үеэр Google компанийн төлөөлөгчид эмч нарын бичгийг тайлах аргыг судлахаар эмзүйчидтай хамтран ажиллаж байгаа хэмээн мэдэгдсэн байна. Тэдний онцолсноор энэ технологийг хэдийнэ туршаад эхэлжээ.
Францын эрх баригчид 100 сая амны хаалтыг устгажээ. Ийнхүү амны хаалтыг устгасан нь эдгээрийн хадгалах хугацаа дууссантай холбоотой гэж France Press агентлаг мэдээлсэн байна.
Украины Ерөнхийлөгч Володимир Зеленский АНУ-д айлчлал хийхээр тус улсыг зорьсон, АНУ-д тус улсын Ерөнхийлөгч Жо Байдентай уулзаж, Конгрессын хоёр танхимаын хамтарсан хурал дээр үг хэлнэ гэсэн мэдээллийг Америкийн хэвлэлүүд дамжуулж байсан. Энэ мэдээллийг Зеленский өөрөө баталжээ.
Дорнод Хятадын тэнгист БНХАУ, ОХУ-ын хамтарсан тэнгисийн цэргийн сургуулилалт эхэллээ. "Тэнгисийн хамтын ажиллагаа 2022" нэртэй энэ сургуулилалт 12 дугаар сарын 21-27-ныг дуустал үргэлжилнэ гэж ОХУ-ын Батлан хамгаалах яам мэдэгдсэн байна.
Перугийн Ерөнхийлөгч асан Педро Кастильогийн эхнэр хүүхдүүдийг гадаад орныг зорихыг зөвшөөрчээ. Тэд өмнө нь Мексикээс улс төрийн орогнол хүссэн аж. Улмаар тэднийг Мексик рүү явахыг зөвшөөрсөн гэж Перугийн Гадаад хэргийн яам мэдэгджээ.
Аргентинд мягмар гарагт үндэсний багаа угтах баярын үеэр олон хүн нэг дор цугларч, Аргентины шигшээ баг дэлхийн аварга шалгаруулах тэмцээний аварга болсныг тэмдэглэсэн талаар бид өмнө нь мэдээлсэн.
Хэдийгээр медальгүй буцсан ч Мароккогийн багийг нутаг нэгтнүүд нь талархан хүлээн авсан байна. Учир нь энэ улсын баг ДАШТ-ий хагас шигшээ хүртэл явсан Африкийн анхны баг болсон юм.
Хятадад коронавирусийн халдварын дэгдэлт нэмэгдсээр байгаатай холбогдуулан эрүүл мэндийн салбарыг бэлэн байлгах тал дээр эрх баригчид онцгойлон анхаарах болжээ. Энэ талаар Жэнминь жибао сонин мэдээлсэн байна.
Украины Ерөнхийлөгч Володимир Зеленский 12 дугаар сарын 21-ний өдөр АНУ-д айлчилж, тус улсын Ерөнхийлөгчтэй уулзаж, парламентад үг хэлэхээр болсон талаар Америкийн хэвлэлүүд мэдээлж байсан. CNN агентлагийн мэдээлснээр, Зеленский хэдийнэ замдаа гарчээ.
Герман улс ирэх онд Оросын газрын тосноос татгалзахаар шийджээ. Ийм мэдэгдлийг ХБНГУ-ын Эдийн засгийн яамны хэвлэлийн алба хийснийг DW агентлаг дамжуулсан байна.
Афганистаны Забуль мужид үл мэдэгдэх өвчин дэгджээ. Энэ өвчний улмаас хоёр хүүхэд нас барсан гэж Забуль мужийн Эрүүл мэндийн газар мэдээлснийг The Khaama агентлаг мэдээлсэн байна.
Фюрхнертэй холбоотой шүүх хурлыг олон хүн байж болшгүй хэрэг хэмээн үзсэн бөгөөд учир нь тэрбээр цэргийн цолтой байгаагүй, харин хөлсөөр ажиллаж байсан энгийн иргэн тул шүүгдэх гэм буруугүй гэж үзэх олон нийт байсан аж. Түүнчлэн сүүлийн олон жилийн хугацаанд нацистын гэмт хэргийн төлөө шүүгдэж буй анхны эмэгтэй нь Фюрхнер болжээ.
"Худлыг илчилж, алан хядлагыг сөрөн зогсож болдог гэдгийг украинчууд харуулсан. Тэдний тэмцэл дуусах болоогүй л байна. Гэхдээ 2022 онд тэдний харуулсан үлгэр жишээтэй эн тэнцэхүйц зүйл үгүй" хэмээн The Economist сэтгүүл онцолсон байна.
Шөнө хүмүүсийн тоо улам нэмэгдэж, баяр тэмдэглэхээр гарч ирсэн хүмүүс гудамжуудыг бүхэлд нь бүрхсэн байна. Мөн цугласан олон 1986 онд шигшээ багаа ялалтад хүргэсэн Диего Марадонагийн дурсгалыг хүндэтгэжээ.
Энд дуулгахад, Володимир Зеленский дайн эхэлсэн хоёрдугаар сарын 24-ний өдрөөс хойш Украины нутаг дэвсгэрийг орхин гараагүй юм. Тэрбээр олон улсын хурал чуулганд гагцхүү цахимаар оролцож байв.
Түүнчлэн, талибууд төрийн эрхэнд гарснаасаа хойш Афганистаны эмэгтэйчүүдийг нүүр царайгаа ил гаргасан хувцас өмсөхийг хориглож, одоо энэ улсын эмэгтэйчүүд гагцхүү хар өнгөтэй паранжа хэмээх бүх биеийг хаасан хувцас, никаб буюу зөвхөн нүд ил гарсан хэсэгтэй хувцас өмсөхийг шаардах болсон. Мөн хэвлэл мэдээллийн салбар ч олон шаардлага, хоригтой нүүр тулсан бөгөөд талибууд төрийн эрхэнд гарснаас хойш Афганистанд хэвлэл мэдээллийн хэрэгслүүдийн 43 хувь нь хаагдаж, 6400 сэтгүүлч, ажилтан ажилгүй болжээ. Эмэгтэй сэтгүүлчдийн 84 хувь нь ажлаасаа халагдсан бөгөөд телевизийн эфирээр эмэгтэйчүүдийг гарахыг хориглосон байна. Үүгээр ч зогсохгүй ажил эрхэлдэг эмэгтэйчүүдийг гэрээсээ гарахгүй байхыг шаардсан юм.