Узбекистанд 19 хүүхдийн аминд хүрсэн сиропон эмийг Энэтхэгт үйлдвэрлэхээ зогсоожээ. Узбект Энэтхэгт үйлдвэрлэж, тус улсад экспортлосон "Док-1Макс" сиропон эмний найрлагад багтсан хорт бодисоос болж 19 хүүхэд амиа алдсан нь тогтоогдсон юм. 

XVI Бенедиктийг сүүлчийн замд нь үдэх ёслолын эхний өдөр Ватиканы Гэгээн Петрийн сүмд 65 мянган хүн иржээ. Ватиканы эрх баригчид салах ёс хийхээр өдөрт ирэх хүний тоог 30-40 мянга гэж тооцоолж байсан талаар Коммерсант мэдээлсэн байна. 

Шинэ жилийн шөнө буюу нэгдүгээр сарын нэгэнд шилжих шөнө Москва хотод байх цэргийн комиссарын газрыг шатаахыг завдсан хэрэг гарчээ. Энэ талаар BAZA сайт мэдээлсэн байна. 

Хятадын мужуудад эмнэлгүүдийн шинэ жилийн амралтыг цуцалжээ. Хятадын олон хотод байх эрүүл мэндийн байгууллагууд шинэ жилийн баярын үеэр илүү цагаар ажиллаж, коронавирусийн халдвартай тэмцэж байгаа талаар Global Times сонин мэдээлсэн байна. 

Эргэн сануулахад, ОХУ-ын Ерөнхийлөгч есдүгээр сарын 21-ний өдөр хэсэгчилсэн дайчилгаа зарласны дараа энэ улсын иргэд олноор хилийн чанадыг зорьсон. Дайчилгаа зарласны дараа манай улсын хилээр гэхэд л 6000 орчим хүн нэвтэрсэн гэх мэдээлэл бий. Дайчилгаа эхэлснээс хойш нийтдээ 400 мянга орчим хүн эх орноосоо явсан гэж барууны орнуудын засгийн газраас авсан эх сурвалжтайгаар Германы Frankfurter Allgemeine Zeitung сонин мэдээлж байлаа. Өнгөрсөн оны есдүгээр сарын 21-ний өдөр эхэлсэн хэсэгчилсэн дайчилгаа 10 дугаар сарын сүүлээр дууссан талаар Оросын Батлан хамгаалахын сайд Сергей Шойгу Путинд илтгэж байв.  Дайчилгааны явцад төлөвлөж байсны дагуу 300 мянган хүнийг цэрэгт татсан тул ийнхүү дайчилгааны ажлыг дуусгасан гэж Оросын эрх баригчид мэдэгдсэн юм.

Хятадад коронавирусийн халдвар эрчимтэй тархаж байгаа хэдий ч тус улс энэ сарын наймны өдрөөс хилээ нээхээр болсон. Эрх баригчид нь ийм мэдэгдэл хийсэн өдрөөс л хятадууд аяллын тасалбар, онгоцны тийз захиалах нь огцом нэмэгдэж байв. Хятад хилээ нээж жуулчид гадаад орныг зорих боломжтой болсон энэ үед халдварын тархац өндөртэй газраас коронавирусийн шинэ хувилбарууд зөөвөрлөгдөн орж ирэхээс сэрэмжилсэн улс орнууд ээлж дараалан холбогдох арга хэмжээг авсаар байна.

ВВС агентлаг болон Медиазона хэвлэл хамгийн сүүлд 12 дугаар сарын есний өдөр Оросын цэргийн бие бүрэлдэхүүний хохирлын талаар мэдээлж байлаа. Тухайн үед 10 мянган цэргийн алба хаагч амиа алдсанаас 430 нь дайчлагдсан эрчүүд байсан гэж хэвлэлүүд ноцолж байв. Тэдний 36 нь цэргийн анги нэгтгэлийн нутагт буюу фронтод очихоосоо ч өмнө амиа алджээ. Амиа алдсан шалтгаанууд нь зүрхний шигдээс, золгүй явдал болон согтууруулах ундаа хэтрүүлэн хэрэглэсэн явдал байсан гэнэ.

Украины Зэвсэгт хүчний Ерөнхий командлагч Валерий Залужный 2022 оны үр дүнг тайлагнажээ. Түүний мэдэгдсэнээр, дайн эхэлснээс хойших 10 сарын хугацаанд Украин улс Орос түрэмгийллээ эхлэхээс өмнө болон дараа нь эзэлсэн нутгийн 28 хувийг чөлөөлж чадсан гэнэ. Үүнд Крым, Донецк, Луганскийн эзлэгдсэн нутгууд ч багтаж байгаа аж. 

Гадна талаас нь харахад зочид буудал мэт харагдах, 25 мянга гаруй цогцосыг багтаадаг энэ өндөр барилга ой мод, нуга, хүрхрээгээр хүрээлэгдсэн байгалийн үзэсгэлэнт газар байрладаг аж. Одоогоос 19 жилийн өмнө Пеле энэ оршуулгын цогцолборт өөрийг нь оршуулах хэсэг худалдан авчээ. Энэ цогцолборт шарилыг түр хугацаанд байрлуулдаг бөгөөд гурван жилийн дараа ар гэрийнхэн нь чандарыг авч, аль нэг сүмд дахин оршуулах ёстой байдаг аж.

Дубайн эрх баригчид согтууруулах ундааны худалдаанд ногдуулдаг 30 хувийн татварыг 2023 оны нэгдүгээр сарын нэгний өдрөөс эхлэн цуцалжээ. Энэ талаар Ассошейтед пресс агентлаг мэдээлсэн байна. 

Австралийн Квинслендийн орчимд хоёр нисдэг тэрэг мөргөлдсөн ноцтой осол гарчээ. Энэ ослын дараа нэг нисдэг тэрэг газардсан бол нөгөө нь сүйрсэн гэж РИА Новости агентлаг мэдээлсэн байна. 

Бразилд Луис Инасиу Лула Да Силвагийн Ерөнхийлөгчийн тангараг өргөх ёслол боллоо. Тэрбээр тангараг өргөх ёслолоо Пелегийн дурсгалыг хүндэтгэж нэг минут дуугаа хурааснаар эхлүүлсэн талаар МИР24 мэдээлжээ. 

Тувагийн эрх баригчид 2022 оны 12 дугаар сарын 31-нээс 2023 оны нэгдүгээр сарын наймныг дуустал согтууруулах ундаа худалдахыг хоригложээ. Энэ талаар Тувагийн Засгийн газрын хэвлэлийн алба мэдээлсэн байна. 

Америкийн Алабама мужийн Мобил хотод зэвсэглэсэн этгээд баяр тэмдэглэж байсан хүмүүс рүү гал нээсэн хэрэг гарчээ. Энэ талаар орон нутгийн цагдаагийн газрын төлөөлөгч мэдэгдсэнийг CNN агентлаг мэдээлсэн байна. 

Хирошимад болох G7-ийн дээд хэмжээний уулзалтад Украины Ерөнхийлөгч Зеленскийг Япон улс урихаар төлөвлөж байгаа гэнэ. Тэрбээр цахимаар энэ уулзалтад оролцож магадгүй гэж Nikkei сонин мэдээлжээ.

Хойд Солонгосын удирдагч Ким Жон Ун шинэ оны босгон дээр шинэ баллистик пуужин танилцуулах ёслолд оролцож, пуужинг бүтээсэн эрдэмтэн, ажилчдад баяр хүргэсэн талаар Евроньюс агентлаг мэдээлжээ. 

Мексикийн Чиуауа мужийн хорих газар руу үл мэдэгдэх этгээдүүд зэвсэгт халдлага үйлджээ. Энэ талаар Мексикийн Прокурорын газар мэдэгдсэнийг Ройтерс агентлаг дамжуулсан байна. 

"Ихэнх дайн энхийн хэлэлцээгээр дуусдаг. Энэ удаагийн дайн ч тэгэж л дуусах байх. Ямар нөхцөлөөр энхийн гэрээ байгуулах вэ гэдэг нь тулааны талбар дээрх хүчний харьцаанаас бүрэн хамаарна" гэж Йенс Столтенберг мэдэгджээ. 

Бразилын домогт хөлбөмбөгчин Пелегийн ээж Селесте Арантест хүү нь нас барсан талаар одоо хүртэл хэлээгүй байгаа гэнэ. Пелегийн ээж 11 дүгээр сард 100 нас хүрсэн, энх тунх амьдарч байгаа аж. Энэ талаар Пелегийн дүү Мария өгүүлснийг Mirror дамжуулжээ. 

БНХАУ тэг ковид бодлогоосоо татгалзаж, хорио цээрийн арга хэмжээг ээлж дараагаар цуцалсны дээр энэ сарын наймны өдрөөс хилээ нээхээр болсон юм. Энэ мэдээлэл 12 дугаар сарын сүүлээр цацагдсан өдөр л хятадуудын дунд онгоцны тийз, гадаад аяллын эрэлт огцом нэмэгдсэн. Хятадад коронавирусийн халдвар эрчимтэй тархаж байгаа энэ үед эрх баригчид нь ийм шийдвэр гаргасанд олон улс, тэр дундаа Хятадын жуулчид хамгийн ихээр зорьдог орнууд ихээхэн болгоомжилж, халдвар зөөвөрлөгдөн орж ирэхээс сэрэмжлэн хятад жуулчдыг хүлээж авах журмаа чангатгаж байв.