2022 оны сүүлээр Энэтхэгийн хүн ам 1,417 сая байсан нь Хятадын хүн амаас таван саяар их гэж World Population Review байгууллагын мэдээлэл дээр үндэслэн Блүмберг агентлаг мэдээлжээ.

Хятадын хүн ам 1960-аад оноос хойш анх удаа 2022 онд 850 мянгаар буурсан талаар нэгдүгээр сарын 17-ны өдөр Хятадын эрх баригчид мэдэгдсэн. БНХАУ-ын Улсын статистикийн газрын мэдээлснээр, энэ улсад 1,411 тэрбум хүн амьдарч байгаа аж. World Population Review байгууллагын тооцооллоор, нэгдүгээр сарын 18-ны байдлаар Энэтхэгийн хүн ам 1,423 тэрбум хүн болсон байна. Харин  Macrotrends гэх өөр судалгааны байгууллагын мэдээлснээр, Энэтхэгийн хүн ам 1,428 тэрбум болжээ. 

Энэтхэг улс хүн амынхаа тооны талаар шинэ мэдээллийг албан ёсоор зарлаагүй. Энэ улсад 10 жил тутамд хүн амын тооллог хийдэг ч 2021 онд коронавирусийн цар тахлын улмаас тооллогыг хойшлуулжээ. Харин НҮБ Энэтхэгийг 2023 оны сүүлээр Хятадын хүн амыг гүйцэж түрүүлнэ гэж таамаглаж байгаа юм.

Г.Бямбасүрэн