БНХАУ-ын хууль сахиулагчид 26 жилийн туршид эрэн сурвалжилж байсан авлигын хэргийн сэжигтнийг баривчилжээ. Энэ талаар The Epoch Times сонин мэдээлсэн байна. 

Эх сурвалжийн мэдээлснээр, Хятадын Юньнань мужийн Куньминь хотод байх тамхины үйлдвэрийн борлуулалтын менежер асан Ван Ханьминь 1996 онд авлигын хэрэгт сэжиглэгдэж, улмаар мөрдөн байцаалтаас зугтжээ. Цагдаа нараас зугтахын тулд тэрбээр хувийн мэдээллээ ч өөрчилсөн байна. Улмаар 1999 онд түүнийг Интерполоор эрэн сурвалжилж эхэлжээ. 

Ингээд 26 жилийн дараа Ваныг Сычуань мужийн Чэндү хотоос баривчилсан байна. Түүнийг хичнээн хэмжээний авлига авсанд сэжиглэж байгаа болон ямар ял оноож болзошгүй талаарх мэдээлэл гараагүй байгаа талаар эх сурвалж онцолжээ. 

Г.Бямбасүрэн