Төв Азийн анхдугаар медиафорумын үеэр Америкийн зохиолч, Нью-Йорк Таймсын дөрвөн бестселлерийн эзэн  Лиз Уэлшийн "Eagle Huntress" номын нээлт болжээ. Энэ талаар "Казинформ" агентлаг мэдээлсэн байна. 

Бүргэдчин охин Айшолпан Нургайыпийн талаар өгүүлэх, англи хэл дээр хэвлэгдсэн энэ номын нээлтэд Казахстаны Ерөнхийлөгчийн захиргааны орлогч дарга Аида Балаева, номын зохиолч Лиз Уэлш, бүтээлийн баатар Айшолпан, Казахстаны Мэдээлэл, нийгмийн хөгжлийн сайд Дархан кыдырали, Монгол Улсын Ерөнхийлөгч асан Н.Энхбаяр болон бусад зочид оролцжээ. 

"Өнөөдөр сайхан мөч тохиож байна. Энэ ном бол казах ард түмний хувьд бахархал болох дахин нэг бүтээл гэж би бодож байна. Бид одоо энэ номыг казах хэл дээр хөрвүүлж, олны хүртээл болгох ёстой" хэмээн Аида Балаева мэдэгджээ.

Г.Бямбасүрэн