Хөлбөмбөгийн дэлхийн аварга шалгаруулах тэмцээний цомыг хүртсэн Аргентины баг мягмар гарагт эх орондоо очжээ. Аргентины Засгийн газар мягмар гарагийг бүх нийтийн амралтын өдөр болгон зарлаж, улс даяар үндэснийхээ багийн ялалтыг тэмдэглэсэн байна. 

Мягмар гарагт Аргентины нийслэл Буэнос-Айрест ёслолын парад болж, олон мянган хүн шигшээ багийнхаа гишүүдтэй мэндчилэхийн тулд гудамжинд жагссан байна.

"Дэлхий аваргууд" гэсэн бичигтэй хоёр дпавхар автобус хүмүүс дундуур явжээ.

Буэнос-Айресын гудамжууд хоёр өдөр хүний хөлд дарагдаж байгаа нь энэ юм.

Баяр тэмдэглэхийн өмнө хотыг үндэсний бэлгэдлээр гоёжээ.

Шигшээ багийнхан даваа гарагийн шөнө Катараас эргэн иржээ. Онгоцноос хамгийн түрүүнд багийн ахлагч Лионель Месси гартаа алтан цомоо барьсаар буусан байна. Багийнхныг олон мянган хүн угтжээ.

Шөнө хүмүүсийн тоо улам нэмэгдэж, баяр тэмдэглэхээр гарч ирсэн хүмүүс гудамжуудыг бүхэлд нь бүрхсэн байна. Мөн цугласан олон 1986 онд шигшээ багаа ялалтад хүргэсэн Диего Марадонагийн дурсгалыг хүндэтгэжээ.

Аргентины шигшээ багийн ахлагч Лионель Мессигийн төрөлх хот болох Росариод ч хөл хөгжөөн дүүрэн байж, барилгын ханан дээр Мессиг "өөр гарагаас ирсэн хүн" хэмээн бичжээ. 

Г.Бямбасүрэн