Чөлөөт бөхийн 53кг-ийн жинд Насанд хүрэгчдийн Улсын аварга шалгаруулах тэмцээн, залуучуудын улсын аваргад түрүүлсэн тамирчин М.Пүрэвтунгалагийг дэлхийн аварга шалгаруулах тэмцээнд явуулахгүй байгаа тухай чөлөөт бөхийн тамирчин М.Пүрэвтунгалаг, түүний аав ээж олон нийтэд  хандан өнөөдөр /2019.09.09/  мэдээлэл хийсэн.

Чөлөөт бөхийн холбооныхон тамирчин М.Пүрэвтунгалаг болон түүний эцэг, эхийг хүлээн авч уулзлаа. Тамирчин М.Пүрэвтунгалагийн аав Н.Мөнхбат дэлхийн аварга шалгаруулах тэмцээний 53 кг-ийн жинд ОУХМ Э.Сумъяаг явуулахыг эсэргүүцэн "Хэрэв миний охины оронд Э.Сумъяаг явуулах юм бол суулт зарлана" хэмээн мэдэгдсэн. 

Иймд Чөлөөт бөхийн холбооны сургалт дасгалжуулалт техникийн зөвлөлийн хурлаар ОУХМ Э.Сумъяаг чөлөөт бөхийн ДАШТ-ий 53 кг-ийн жинд зодоглуулахгүй байх асуудлыг хэлэлцэн шийдвэрлэхээр боллоо. 

Г.Сүрэн