Польш, Германаас гадна Леопард танк нийлүүлнэ гэж Финланд, Канад, Португал, Испани, Норвеги, Дани, Швед, Нидерланд улс амласан юм. Үүний зэрэгцээ АНУ Абрамс танк 31, Их Британи Чэлленжер танк 14-ийг амласан бөгөөд ингэснээр Украины цэргүүд нийтдээ 320 барууны танкаар зэвсэглэгдэх аж.
Эх сурвалжуудын мэдээлснээр, халдлага үйлдсэн этгээд нь 28 настай трансжендер эмэгтэй байсан бөгөөд түүнийг цагдаагийнхан буудсан байна. Гэмт этгээдийн гарт насанд хүрсэн гурван хүн, гурван хүүхэд амиа алджээ.
Хятадын Хуавэй компани FreeBuds Pro 2+ чихэвч худалдаанд гаргажээ. Энэ нь зүрхний хэмнэл, биеийн температурыг хэмждэг ажиллагаатай дэлхий дээрх анхны загвар гэж Хуавэй компанийнхан мэдэгдсэн байна.
Германы шар айраг үйлдвэрлэгч нэгэн компани шар айраг исгэх уламжлалт технологид хувьсгал хийснээ зарлажээ. Энэ талаар Daily Mail сонин мэдээлсэн байна.
Их Бртитани, Молдав, Румын, АНУ-ын Армийн тусгай зориулалтын цэргийн алба хаагчдын хамтарсан Joint Combined Exchange Training цэргийн сургуулилалт Молдавын нутагт эхэлжээ. Энэ талаар тус улсын Батлан хамгаалах яамны хэвлэлийн алба даваа гарагт мэдээллээ.
Израилийн Ерөнхий сайд Биньямин Нетаньяхугийн засгийн газар шүүхийн шинэчлэлийн хууль боловсруулан батлахаар зэхэж, энэ нь израильчуудын зүгээс ихээхэн эсэргүүцэлтэй тулгарч байгаа юм. Өнөөгийн хуулиар шүүх засаглал засгийн газраа хянаж, аливаа хуулийг эрхзүйд нийцэхгүй гэж үзвэл хориг тавьдаг бол шүүхийн шинэчлэлээр парламентын олонхын саналаар шүүхийн хоригийг цуцалдаг болох аж.
Германд тээврийн салбарынхан ажил хаясны улмаас төмөр замын тээвэрлэлт бүрэн зогсож бусад төрлийн нийтийн тээвэр хэсэгчлэн зогссон байна. Энэ талаар DW агентлаг мэдээлжээ.
Туркэд хоёрдугаар сард хүчтэй газар хөдлөлт болж, хот суурин нуран, олон мянган хүн амиа алдсан. Энэ гамшгийн дараа газар хөдлөлт үргэлжилсээр байгаа юм. Ийнхүү газар хөдлөлтийн идэвхтэй үед амьдарч байгаа Туркийн иргэд тоть шувуу ихээр сонирхох болсон гэнэ. Учир нь энэ шувуу газар хөдлөлтийг урьдаас мэдэрдэг тул тоть авах иргэдийн тоо огцом нэмэгдсэн гэж Yeni Akit сонин бичжээ.
Израилийн Ерөнхий сайд Нетаньяхугийн засгийн газрын дэвшүүлсэн шүүхийн шинэчлэлийн хууль ард түмний дунд эсэргүүцэл дэгдээгээд багагүй хугацаа өнгөрч байгаа юм. Энэ хуулийг олны өмнө шүүмжилснийхээ төлөө Батлан хамгаалахын сайд Галант халагдсан бол зарим улс төрчид ард иргэдийн илэрхийлж буй эсэргүүцэлд нэгдэж, тэмцлийн хурц хэлбэр сонгожээ.
Энэ удаагийн торнадо нь сүүлийн 10 гаруй жилд тохиосон хамгийн хүчтэй шуурганд тооцогдож байгаа аж. Салхины хурд цагт 130 км хүрчээ. Цаашид дахин гамшиг нүүрлэж болзошгүй тул оршин суугчдыг аюулгүй газарт байрлахыг цаг уурчид анхааруулсан байна.
Трампын мэдэгдсэнээр Байден АНУ-ын Ерөнхийлөгчийн суудалд очсоны дараахан л Владимир Путин Украины хил рүү цэргүүдээ татан төвлөрүүлж эхэлсэн гэнэ. Түүнчлэн өнөөгийн Ерөнхийлөгчийн захиргаа Путинтэй хэлэлцээ хийх гэж оролдох ч үгүй байгаа хэмээн Трамп буруутгажээ. Харин тэрбээр өөрөө Ерөнхийлөгчийн сонгуульд ялж, Цагаан ордонд очвол Украины хямралыг 24 цагийн дотор зохицуулж чадна хэмээн мэдэгдсэн байна.
Туркийн Ерөнхийлөгч Режеп Тайип Эрдоган Оросын Ерөнхийлөгч Владимир Путинтэй утсаар ярьжээ. Энэ үеэрээ тэрбээр Украин дахь дайныг нэн даруй зогсоохыг уриалсан байна. Энэ талаар Анадолу агентлаг мэдээлжээ.
Хойд Македонийн Зэвсэгт хүчний Ерөнхий штаб Украинд Ми-24 нисдэг тэрэг 12 нэгжийг өгөхөөр болжээ. Энэ талаар тус улсын Батлан хамгаалахын сайд Славянка Петровская мэдэгджээ. Түүний өгүүлснээр, зохих шийдвэрийг лхагва гарагт Засгийн газар дэмжих юм байна.
Батлан хамгаалахын сайд Галантыг халсан талаарх мэдээлэл гарсны дараа Израилийн хэд хэдэн хотод эсэргүүцлийн ажиллагаа дахин сэргэжээ. Тель-Авив хотод хэд хэдэн гудамж хаагдаж, цагдаагийнхан жагсагчдыг тараахын тулд усан буу ашигласан байна. Түүнчлэн өнөөдөр буюу гуравдугаар сарын 27-ны өдрөөс эхлэн "Үндэсний зогсолтын долоо хоног" -ийг эсэргүүцэгчид эхлүүлэхээр төлөвлөсөн бөгөөд энэ хугацаанд цуврал жагсаал, ажил хаялт зохион байгуулах аж.
БНХАУ өнгөрсөн жилүүдэд 5G технологийн хэрэглээг өргөн нэвтрүүлж, улс орон даяараа энэ технологийн станцуудын тоог тогтмол нэмэгдүүлж байгаа талаараа зарлаж байсан. Улмаар дараагийн алхмыг хийж, 6G технологийг хоёр жилийн дараа танилцуулахаар болсон гэж SCMP сонин мэдээлжээ.
Ням гарагт Оросын Тула мужид дрон дэлбэрчээ. Энэ дрон нь Украины талаас хөөргөсөн гэж Оросын Батлан хамгаалах яам мэдэгдсэн бөгөөд Оросын радио электрон тулааны комплекс дроныг амдан устгасан гэж онцолсон байна.
Ингээд эцэг эхчүүд гомдол гаргасны дараа сургуулийн зөвлөл захирлын асуудлыг хэлэлцэж, түүнийг сайн дураар ажлаасаа гарах эсвэл халагдах гэсэн сонголт өгсний улмаас Тallahassee Classical School сургуулийн захирал Хоуп Каррасакия ажлаасаа чөлөөлөгдөх өргөдлөө өгчээ. Түүнийг ажлаас халах болсон шалтгааныг танилцуулаагүй ч Давидын баримлаас үүдэлтэй гомдлын улмаас ажлаас нь халсан гэж захирал эмэгтэй үзэж байгаагаа хэвлэлийнхэнд ярьсан байна.
Путиний мэдэгдлийн дараа Украины Гадаад хэргийн яам НҮБ-ын Аюулгүйн зөвлөлийн ээлжит бус хурлыг зарлан хуралдуулахыг шаарджээ. Орос улс Беларусьт тактикийн цөмийн зэвсэг байршуулах гэж байгаа нь цөмийн зэвсэг үл дэлгэрүүлэх гэрээ хэлэлцээрийг зөрчсөн хэрэг гэж үзсэн Украины ГХЯ Беларусийн ард түмэнд хандан "гэмт үйлдэл гаргахыг үл зөвшөөрөхийг " уриалсан байна.
Энэ киноны гол дүрүүд болох Жек, Рөүз хоёрт тоглосон Леонардо Ди Каприо, Кейт Уйнслет нар тэрхүү киноны зураг авалтаас хойш салшгүй нөхөрлөсөөр иржээ. Тэднийг амрагийн холбоотой, нэгэндээ хайр сэтгэлтэй болсон гэх мэдээлэл байнга л гарч байв. Гэхдээ дэлгэцнээ дурлалт хосын дүрийг үнэмшилтэй гаргасан тэд амьдрал дээр хэзээ ч амрагийн холбоотой байгаагүй гэдэг. Харин энэ олон жилийн туршид тэд сэтгэл хөдөлгөм, үнэнч нөхөрлөсөөр иржээ.
Өнөөдөр /2023.03.24/ Японы эргийн ойролцоо 5.4 магнитудын хүчтэй газар хөдлөлт болжээ. Европ-газар дундын тэнгисийн газар хөдлөлтийн төвөөс мэдээлсэн юм.