Германы шар айраг үйлдвэрлэгч нэгэн компани шар айраг исгэх уламжлалт технологид хувьсгал хийснээ  зарлажээ. Энэ талаар Daily Mail сонин мэдээлсэн байна. 

Эх сурвалжийн мэдээлснээр, Германы компани дэлхийн анхны нунтаг шар айраг бүтээжээ. Энэ нунтагийг усанд хийж найруулаад жинхэнэ шар айраг уух боломжтой аж. Зах зээл дээр энэ бүтээгдэхүүн дэлгэрвэл үйлдвэрлэл, тээвэрлэлтийн зардлыг хэмнэнэ гэж компанийнхан мэдэгдсэн байна. 

Компанийнхан Dryest Beer шар айраг үйлдвэрлэх технологийг гарган авахын тулд түншүүдийнхээ хамт хоёр жилийн хугацаанд ажиллажээ. Эхний ээлжинд гарган авсан шар айраг нь согтууруулах ундааны агууламжгүй аж.  Найруулдаг шар айраг бүтээгчид хүргэлтийн зардал өндөр байдаг Ази, Африкийн орнуудад бүтээгдэхүүнээ нийлүүлэхээр төлөвлөж байгаа гэнэ.

Г.Бямбасүрэн