МУИС-ийн хичээлийн гуравдугаар байрыг нурааж багш оюутнууд нь хуучин ХҮИС, Улаанбаатар сургуулийн байранд хуваагдан хичээллэж эхэлсэн байна.  Тус байр луу нүүхийн тулд хоёр долоо хоногийн хугацаанд цахимаар хичээллэж байгаа аж. Танхимын хичээл эхэлснээр сургалтын орчинд оюутнууд шүүмжлэлтэй хандаж байна. Өөрөөр хэлбэл сургалтын төлбөрөө зохих ёсоор хийсэн ч төлбөртөө дүйцэх хэмжээний таатай орчинд суралцаж чадахгүй байгаа гэдгээ илэрхийллээ.  

- Сайн байна уу? Сургуулийнхаа үүсээд байгаа асуудлын талаар дэлгэрэнгүй мэдээлэл өгөөч? 

МУИС-ийн ХШУС-ийн оюутан А.Хишиг "Манай сургуулийн оюутнууд наймдугаар сард хичээл сонголтоо хийсэн байтал есдүгээр сарын 18-нд гэнэт МУИС-н зарим салбар сургуулиудыг өөр тийш нь нүүлгэх тушаал гарч оюутнуудад маш хүндрэлтэй байдал бий болсон. Учир нь дарааллан орох зарим хичээлүүд нь эхний хичээл нь хичээлийн 2-р байран дээр , дараагийн хичээл нь Улаанбаатар сургууль дээр, эсвэл Худалдаа Үйлдвэрлэлийн дээд сургууль дээр гэх мэтээр өөрчлөгдсөн байсан. Энэ тухайгаа сургалтын албанд хэлэхэд өөрчлөх ямар ч боломжгүй тэ сургуулиудын хооронд хэдэн зуугаараа гүйж яваа, гүйж чадахгүй бол хичээлээ цуцал гэж байх юм. Хөгжлийн бэрхшээлтэй, жирэмсэн болон өөр бусад шалтгаантай гүйж чадахгүй олон оюутнуудаа үл тоож эр ашгийг нь зөрчиж байна. 

МУИС-ийн Хууль Зүйн Сургуулийн сургалтын төлбөр 1 кредит нь 131 мянган төгрөг байдаг. Ойролцоогоор жилд 4 сая төгрөг сургалтын төлбөртөө зарцуулж байна. Тэр ч утгаараа бид төлбөртөө нийцсэн аюулгүй орчинд суралцах шаардлагатай байна" гэв. 

МУИС-ийн хичээлийн гуравдугаар байранд тус сургуулийн хууль зүйн сургууль болон хэрэглээний шинжлэх ухааны инженерчлэлийн сургуулийн 7000 гаруй оюутан 300 гаран багш ажилчид хичээллэдэг байсан. Анги танхимын хүрэлцээгүй багтаамжгүй байдлаас үүдэн МУИС-ийн хичээлийн III байрыг нурааж, өргөтгөн шинээр барих болсноор оюутнууд ийн шүүмжлэлтэй хандаж байгаа юм. 

МУИС-ийн ХЗС-ийн оюутнууд "Бидэнд нийтээрээ онцгүй санагдаж байгаа зүйл нь сургуулийн орчин. Жишээ нь тоос шороотой бас их хүйтэн байгаа. "Улаанбаатар сургууль"-ийн хичээлийн байрны засвар одоо ч дуусаагүй, орчны аюулгүй байдал хангагдаагүй байна. Шинэ хичээлийн байр ашиглалтад орох хүртэл энд хичээллэнэ гэсэн. Тийм болохоор их хэцүү санагдаж байна" хэмээв. 

МУИС-ийн ХЗС болон ХШУС-ийн нүүлгэх асуудал өнгөрөгч 3-р сараас яригдаж эхэлсэн. Гэвч оюутнуудыг 14 хоног цахимаар хичээл орж, засварын ажил нь одоо ч дуусаагүй байна. одоогоор хичээл орж буй Улаанбаатар сургуулийн засвар хэзээ дуусах эсэх нь тодорхойгүй байгаа. Одоогоор сантехникийн засвар хараахан дуусаагүй. Харин бусад засварын ажил дууссан. Харьцангуй орой засварын ажлаа хийсэн ч гэсэн энэ есдүгээр сард дуусгана" гэв. Харин  МУИС-ийн ХЗС болон ХШУС-ийн байр нь долоон давхар хоёр блок. Хоёр жилийн хугацаанд тус хичээлийн сургуулийн байрыг ашиглалтад оруулахаар төлөвлөж байгаа" хэмээн тус сургуулийн удирдлага мэдээлэл өглөө. 

Ц.Наранцацрал