Ховд аймагт болсон шатрын 61 дэх удаагийн эрэгтэйчүүдийн насанд хүрэгчдийн Улсын аварга шалгаруулах тэмцээнд "Зууны шатар" клубийн тамирчин, дэлхийн шатрын холбооны мастер 16 настай тамирчин Мөнхдалайн Амилал Монгол Улсын 33 дахь аваргаар тодров. 

Монголын шатрын түүхэнд 16 нас, 8 сартайдаа хамгийн залуу улсын аваргаар тодорсон М.Амилал олон ястаны нутагт 11 өргөөс нэг ч хожигдолгүй 8.5 оноогоор алтан медалийн эзэн болсон юм.

Харин Төв аймаг, "Хан-Алтай" клуб, 52-р сургуулийн тамирчин спортын дэд мастер Э.Хүслэн 15 нас 4 сартайдаа Монгол Улсын аварга шатарчнаар тодорчээ.

11-р тойргийн тоглолтод дэд мастер Э.Хүслэн хар өнгөөр наадаж Б.Амин-Эрдэнийн эсрэг хожил байгуулж, 11 өргөөс 7.5 хожилтой коэффицентийн давуугаар Монгол Улсын аварга цол хүртлээ.