Өвөрхангай аймгийн Зүүнбаян-Улаан сумын ерөнхий боловсролын сургуулийн  ахлах ангийн сурагч охин бусдын гарт харамсалтайгаар амь насаа алдсан ноцтой хэрэг  өнгөрсөн 10 дугаар сард гарсан. Уг хэргийн мөрөөр боловсрол болон хуулийн байгууллагын хамтарсан шалгалт хийсэн байна. Дүгнэлт удахгүй гарна гэдгийг БШУ-ны сайд Л.Энх-Амгалан хэлж байна. Мөн тэрбээр боловсролын шат шатны байгууллагын удирдлагуудтай хариуцлага тооцохоор аймаг, сумын дарга нартай ярилцаж байгаагаа хэллээ. Өвөрхангай аймгийн Боловсролын газар, Зүүнбаян-Улаан сум, сургууль, дотуур байрны удирдлагуудад хариуцлага тооцох юм байна.

Энэ хэрэг нь монгол хүүхэд сургууль, дотуур байрны орчинд эрүүл, аюулгүй сурч, амьдран, боловсрох нөхцөл ямар эрсдэлд орсныг харуулж байна. Жил бүр сургууль, дотуур байрны орчимд маш их гэмт хэрэг гардаг юм байна. Тиймээс хууль, эрхзүйн орчинд шинэчлэл хийх зайлшгүй шаардлага тулгарч байгааг боловсролын сайд хэлж байна.

Б.Хэрлэн