Филиппинийн Ерөнхийлөгч Родриго Дутерте хар тамхичдын эсрэг тэмцлээ дуусгаад террористуудын эсрэг тэмцэхээ илэрхийлсэн талаар  “www.dailymail.co.uk” мэдээллээ.  Тэрбээр “Террористууд хаа сайгүй байна. Террорист бүлэглэлд элссэн бүхэнтэй хатуугаар тэмцэнэ” гэж мэдэгджээ.

Филиппинийн олон мянган иргэн Иракийн хэт даврагч “Халифын вант улс” бүлэглэлд элссэн болохыг тогтоогоод байгаа.  Уг асуудлаар Ерөнхийлөгч “Би тэдэнтэй ярилцахыг хүсч байна. Тэднийг сонголтоо буруу хийсэн гэдгийг хэлмээр байна” гэж хэллээ.

Исламын улсад филиппинчүүд элсэхээс гадна тус улс дотооддоо олон тооны зэвсэгт бүлэглэлтэй юм. Эдгээр бүлэглэлүүд жуулчдыг дээрэмдэх, хулгайлах, барьцаалах гэх мэтээр Засгийн газрынхаа эсрэг тэрсэлддэг билээ.

Ерөнхийлөгчийн өнгөрсөн долоодугаар сард эхлүүлсэн хар тамхины дайны улмаас 6000 хүн амиа алдаж, 900 мянган хүн шоронд хоригджээ.

Б.Дэлгэрцэцэг