Монголын хүүхдийн спортын зуны VII наадам зургаадугаар сарын 19-29-ний өдрүүдэд Баянхонгор аймагт боллоо. Тус наадмын усанд сэлэлтийн төрөлд Хан-Уул дүүргийг төлөөлөн оролцсон Энхтөрийн Эрхэс 13 зайд уралдаж, бүх төрөлд алтан медаль хүртжээ.

15 настай Э.Эрхэс өдгөө "Орчлон" сургуульд суралцдаг бөгөөд өнгөрсөн сард Орхон аймагт болсон өсвөр үеийн УАШТ-ий 14 зайд 14 алтан медаль хүртэж, өсөх ирээдүйтэй тамирчин гэдгээ харуулж яваа чадварлаг нэгэн юм. 

Тэрбээр 2016 оноос эхлэн усанд сэлэлтээр хичээллэж байгаа бөгөөд ОХУ, АНУ, Малайз, БНХАУ-д болсон өсвөр үеийн олон улсын тэмцээнээс медаль хүртэж байжээ.