"NBA"-ийн түүхэн дэх хамгийн агуу сагсан бөмбөгч хэмээн хүлээн зөвшөөрөгдсөн алдарт Майкл Жордан 53 нас хүрч байна. Тэрбээр 1963 оны хоёрдугаар сарын 17-нд АНУ-ын Нью-Йорк хотын Бруклинд мэндэлсэн юм. Ид үедээ 198 см өндөр, 98 кг жинтэй байсан Майкл Жорданы нуруу, жингээр өрсөлдөгчдөөсөө дутуу юу гэхээс илүүгүй ч гэсэн авьяас чадвар, хүсэл тэмүүллээрээ бүх цагийн үеийнхний өмнө гарч чадсан нэгэн. 

1984, 1992 оны олимпийн аварга, "NBA"-ийн зургаан удаагийн аварга, улирлын таван удаагийн "MVP", "Бүх Оддын тоглолт"-ын гурван удаагийн "MVP" гээд түүний амжилтуудыг дурьдаад байвал барагдахгүй.

Жордан “Шарлотт Бобкэтс” багийн эзнээр одоо ажиллаж байгаа. Ингэснээр "NBA"-ийн түүхэнд лигийн багийн эзэн болсон анхны тоглогчоор тодорсон юм. Тэрээр нэгэн удаа ийнхүү өгүүлжээ “Бүгд л Жорданы хэмжээнд хүрэхийг хүсдэг. Тэгэхээр би Жордан чигээрээ байхын тулд их хичээх хэрэг гардаг” хэмээн өгүүлсэн байдаг.