Дорноговь аймгийн Замын-Үүд суманд 2017 оны 11 дүгээр сарын 02-ны өдөр найман настай, эмэгтэй Х.Сэржмядаг сураггүй алга болсон хэрэгт Цагдаагийн ерөнхий газрын Мөрдөн байцаах албаны даргаар ахлуулсан ажлын хэсэг шалгалтын ажиллагааг явуулж байгаа юм.

Зарим хэвлэл, мэдээллийн хэрэгсэл, олон нийтийн сүлжээгээр цацагдаж буй уг хэргийг шалгаж байсан ажлын хэсгийг татан буулгаж, өөр ажлын хэсэг байгуулсан гэх мэдээлэл нь ташаа болохыг цагдаагийн байгууллагаас мэдэгдэж байна.