Орон нутгийн хөгжлийн сангийн хөрөнгө тухайн сумын наадмын талбайн засварлах ажлын гол санхүүжүүлэгч болж байна гээд хэлчихвэл буруудахгүй. 

Аймаг, нийслэлийн ОНХС-ийн хөрөнгөөр барилга байгууламж барих, тоног төхөөрөмж худалдан авах, их засвар хийх хөрөнгө оруулалт, хөтөлбөр, төсөл, арга хэмжээг санхүүжүүлнэ хэмээн хуульчилсан. Хуулийн дагуу Орон нутгийн хөгжлин сангийн хөрөнгөөр наадмын талбай засварлах эрх нь нээлттэй гэсэн үг. Энэ дагуу долоо хоногт нэг сум наадмын талбайгаа засварлахаар тендер зарлаж байна. Энэ долоо хоногийн эхэнд буюу Ховд аймгийн Цэцэг сумынхан наадмын талбайгаа 550 сая төгрөгөөр засварлахаар тендер зарлажээ. Энэ хөрөнгөөр гүйлтийн зам, сагсан бөмбөг болон гар бөмбөгийн талбай тохижуулахаар тендерийн баримт бичигт тусгасан байна.