Завхан аймгийн Тэс сумын Нисэг багийн “Нисэгийн шугуйн-Улаан үзүүр” гэдэг газар /сумын төвөөс баруун хойд зүгт 45 км-т, аймгийн төвөөс хойд зүгт 430 км-т/ тус сумын харьяат 7 иргэн жууцай түүж явснаас иргэн О /63 настай, эмэгтэй/ 06.10-ны өдрийн 12:00 цагийн орчим бусдаасаа төөрч сураггүй алга болжээ.

Онцгой байдлын албанд 2020.06.10-ны өдрийн 19:04 цагт дуудлага ирсний дагуу тус аймгийн Онцгой байдлын газрын Тэс сум дахь Гал түймэр унтраах, аврах 57 дугаар анги, Хилийн 0277 дугаар ангийн алба хаагчид, орон нутгийн иргэд эрэн хайх ажиллагааг зохион байгуулж, мөн өдрийн 22:53 цагт “Нисэгийн шугуйн-Улаан үзүүр” гэдэг газраас эсэн мэнд олж ар гэрийнхэнд нь хүлээлгэн өгсөн байна.