Монгол Улсын Ерөнхийлөгч Ц.Элбэгдоржийн зарлигаар Тулгар төрийн 2225, Их Монгол Улсын 810 жил, Ардын хувьсгалын 95 жилийн ойн баяр наадмын ойг тохиолдуулан салбартаа олон жил үр бүтээлтэй ажилласан  иргэдийг төрийн дээд цол, одон, медалиар шагнан  урамшуулсан.

Энэ үеэр УДЭТ-ын жүжигчин, СУИС-ийн багш Л.Дэмидбаатар Монгол Улсын Гавьяат Жүжигчин цол тэмдгээр энгэрээ мялаалгасан юм. Харин “Алтан гадас одон”-оор УДЭТ-ын жүжигчин Ц.Цэрэнболд шагнуулав. Түүний шагналыг УДЭТ-ын захирал Д.Цэрэнсамбуу гардуулжээ.

Дашрамд сонордуулахад УДЭТ-ын ҮТХ-ын дарга Н.Батбилэг, тооцооны нягтлан Ц.Чимидбаатар нар “Алтан гадас одон”-оор шагнуулсан бол “Хөдөлмөрийн хүндэт медаль”-аар дуу шумны опериатор Я.Батсайхан, сантехникийн слеасерь Ш.Эрдэнэбат, Нүүр будаг, парикийн эрхлэгч Л.Энхтуяа нар энгэрээ мялаасан байна.

Г.Тэгшсүрэн