Өнөөдөр Монголын баг тамирчид буудлага, жүдо бөхийн төрөлд нийт 4 тамирчин ур чадвараа сорино.

Байт харвааны эрэгтэйчүүдийн Б.Отгонболд Хятадын тамирчинд 4:6 ялагдлаа. Токио хотын Yumenoshima Final Field-д өнөөдөр байт харвааны ганцаарчилсан төрлийн хасагдах шатны харваа эхэллээ.

Байт харвааны эмэгтэйчүүдийн ганцаарчилсан төрөлд өрсөлдсөн ОУХМ Б.Урантунгалаг 1/32 шатанд Японы Асзүса Ямагүчид 6:2-оор ялагдан тэмцээнээ өндөрлүүллээ. Тэрбээр эхний сетэд 25:23-аар илүүрхсэн ч удаах гурван сетэд 23:24, 24:26, 25:27-гоор дийлдэв.

Тэмцээн уралдаанаа дуусгасан тамирчид 48 цагийн дотор олимпын тосгоныг орхих журмын дагуу ширээний теннисний Э.Лхагвасүрэн, Б.Болор-Эрдэнэ болон боксын Б.Чинзориг нар өнөөдөр нутаг буцаж байна.

“Токио-2020” зуны XXXII дахь удаагийн олимпийн наадмын боксын тэмцээн сүмо бөхийн Кокүгикан ордонд явагдаж байна. Манай улсаас эрэгтэйчүүдийн 57 кг-ын жинд Э.Цэндбаатар, 63 кг-д Б.Чинзориг, эмэгтэйчүүдийн 75 кг-д М.Мягмаржаргал нар оролцож байгаагаас Б.Чинзориг тэмцээнээ өндөрлүүлсэн билээ.Өнөөдөр эмэгтэйчүүдийн 75 кг-д М.Мягмаржаргал эхний тойрогт дэлхийн чансааг тэргүүлэгч, Их Британийн Лоурен Луиза Прайстай тулалдлаа.

Токио-2020 олимпын наадам үргэлжилж байна. Жүдо бөхийн эрэгтэйчүүдийн 90 кг жинд зодоглосон Г.Алтанбагана эхний шатанд дэлхийн хошой аварга Испанийн Николоз Шеразадишвилитэй барилдаж, ялагдлаа. Ингэснээр тэрбээр тэмцээнээ өндөрлүүлж байна. 

Токио-2020 олимпын наадам үргэлжилж байна. Өнөөдрийн Монголын баг тамирчдын хуваарийг танилцуулж байна.  /Улаанбаатар хотын цагаар/

Токио-2020 зуны олимпын наадмын жүдо бөхийн 81 кг-ын жинд Монгол Улсын тамирчин, дэлхийн аварга Сайед Моллай МӨНГӨН медаль хүртлээ. Тэрбээр алтан медалийн төлөө Риогийн олимпын хүрэл медальт, 2015 оны дэлхийн аварга Японы Таканори Нагасэд ялагдаж, мөнгөн медалийн эзэн болов.

Сайед Моллай хоёр дахь олимпдоо мөнгөн медалийн болзол хангаад байна.

Токио-2020 зуны XXXII олимпын наадмын жүдо бөхийн эрэгтэйчүүдийн -81 кг-ийн жинд Манай тамирчин Сайед Моллаей шөвгийн 16-д Азербайжаны жүдоч Мурад Фатиевыг нэмэлт цагт ялж, шигшээ 8-д үлдлээ.

Токио-2020 олимпын наадмын жүдо бөхийн эрэгтэйчүүдийн 81, эмэгтэйчүүдийн 63 кг-ын жингийн барилдаанууд үргэлжилж байна.

СЕХ-ноос Ерөнхийлөгчийн сонгуулийн үр дүнгийн талаар мэдээлэл хийж байна. Ерөнхийлөгчийн сонгуулийн санал хураалтын цахим машинаар тооллохоос гадна гар тооллогоор давхар тоолдог. Тиймээс өчигдөр автоматжуулсан системээс гадна гар тооллого 100 хувь хийлээ.

Монгол Улсын Ерөнхийлөгчийн сонгууль өндөрлөөд байна.

МАН-аас нэр дэвшсэн миний бие 65 хувийн саналаар ялалт байгуулж байна. Энэ бол асар их хариуцлага. Итгэл найдвар үзүүллээ, ард түмэн. Ард түмнийхээ итгэл найдварыг хичээл зүтгэлээр хариулах болно. Улс орныхоо эв нэгдлийн төлөө, сайхан ирээдүй бүтээхийн төлөө чөмгөө дундартал ажиллана.

СЕХ-ны цахим дэлгэцээр аймгуудын хэсгийн хорооноос ирсэн санал хураалтын урьдчилсан дүнг шууд дамжуулж байна.  Монгол Улсын хэмжээнд байгаа 2087 хэсгийн хорооноос дүнгүүдийг нэгтгэж байгаа.

Ерөнхийлөгчийн сонгуулийн урьдчилсан дүнг СЕХ шууд дамжуулж байна.

Монгол Улсын Ерөнхийлөгчийн сонгуулийн санал хураалт дуусгавар болж, дүнг мэдээг нэгтгэж байна.

Ерөнхийлөгчийн сонгуулийн санал хураалт дуусгавар болж, саналын дүн дамжуулах ажил эхэлж байна. Ерөнхийлөгчийн сонгуулийн сонгогчийн 56.45 хувийн ирцтэйгээр өндөрлөв.  СЕХ-ны цахим дэлгэцээр аймгуудын хэсгийн хорооноос ирсэн санал хураалтын урьдчилсан дүнг мэдээг шууд дамжуулж байна. 

Монгол Улсын Ерөнхийлөгчийн сонгуулийн санал хураалт 22:00 цагаар дуусгавар боллоо. Зургаа дахь Ерөнхийлөгчийг сонгох найм дахь удаагийн сонгуульд парламентад суудалтай МАН, АН, ХҮН-ын нэр дэвшигчид өрсөлдсөн.  Өдрийн 21:00 цагийн байдлаар сонгогчдын ирц улсын хэмжээнд 52.01,нийслэлд 55.09 хувьд хүрсэн. Ингэснээр улсын хэмжээнд Ерөнхийлөгчийн сонгуулийн сонгогчийн ирц бүрдээд байгаа юм. 

Энэ удаагийн Монгол Улсын Ерөнхийлөгчийн сонгуулийг 26,9 тэрбум төгрөгийн төсвөөр зохион байгуулж байна. Монгол Улсын ерөнхийлөгчийн сонгууль хоёр шаттай явагддаг.  Эхний санал хураалтаар аль нэг нэр дэвшигч олонхийн санал авч чадахгүй бол хамгийн олон санал авсан хоёр нэр дэвшигч хоёр дахь шатанд үлддэг. Ингээд Сонгуулийн ерөнхий хорооноос 14 хоногийн дотор шийдвэр гаргаж санал хураалтыг зохион байгуулна. Хуулийн дагуу сонгуулийн хоёр дахь шатанд гарах зардлыг улсын төсвийн нөөцийн хөрөнгөөс гаргана. Хэрэв хоёр дахь шатны сонгууль зохион байгуулагдвал 8 орчим тэрбум төгрөг зарцуулагдана гэсэн тооцоо судалгааг Сонгуулийн ерөнхий хорооноос гаргажээ.