АНУ-ын Эвансвилль хотод орон сууцанд хүчтэй дэлбэрэлт болсны улмаас гурван хүн амиа алдаж, ойролцоох 39 байшин өртсөн талаар CNN агентлаг мэдээлжээ. 

Эх сурвалжийн мэдээлснээр, энэ дэлбэрэлтийн улмаас амиа алдсан, гэмтэж бэртсэн өөр хүмүүс ч байж болзошгүй бөгөөд одоо эрэн хайх, аврах ажиллагаа үргэлжилж байгаа гэнэ. Дэлбэрэлтийн шалтгааныг тодруулахаар холбогдох албаныхан ажиллаж байгаа юм байна.

Хүчтэй дэлбэрэлтийн нөлөөнд өртсөн 39 байшингийн 11 нь хүн амьдрах аргагүй болжээ. Улмаар Америкийн Улаан загалмайн нийгэмлэг орон гэрээ алдсан гэр бүлийнхэнд тусламж үзүүлэхээр болжээ. 

Г.Бямбасүрэн