Украинд дайн эхэлснээс хойш барууны орнууд Украинд төрөл бүрийн зэвсгийн тусламж үзүүлсээр байгаа юм. Эдгээр орнуудын нэг нь Австрали улс бөгөөд энэ улс Украинд 14 хуягт тээвэрлэгч өгөхөөр амлаж байв. Австрали М113АS4 хуягт тээвэрлэгч 14-ийг өгөхөөр амласнаас дөрвийг нь илгээсэн талаар тус улсын Батлан хамгаалах яам мэдэгдсэнийг ВВС дамжуулжээ. 

Эх сурвалжийн мэдээлснээр, хуягт тээвэрлэгчид Эмберли дэх Хатан хааны агаарын цэргийн хүчний баазаас өнгөрсөн долоо хоногт гарсан байна. "Австрали улс Украинд олгох 14 тээвэрлэгчийн эхний дөрвийг Украины Ан-124 онгоцонд ачин илгээсэн" хэмээн Австралийн Батлан хамгаалах яамны мэдэгдэлд өгүүлжээ. 

Украинд үзүүлэх тусламжийн багц нь 198 сая ам.долларын дүнтэй бөгөөд тусламжийн багцад Bushmaster тээвэрлэгчид, их буу, дрон, танк эсэргүүцэх зэвсэг зэрэг зэр зэвсэг багтаж байгаа аж.

Г.Бямбасүрэн