Говь-Алтай аймгийн Бугат сумын Ферм багийн “Өлзийтийн-Ам” гэдэг газар газар хөдлөлт болжээ.

Тодруулбал, өчигдөр буюу арваннэгдүгээр сарын 24-ний өдрийн 08:39 цагт 4 магнитудын хүчтэй газар хөдлөлт болсон тухай мэдээллийг 08:46 цагт ООГХ-ээс цахим шуудангаар ирүүлсэн байна. Тус аймгийн Онцгой байдлын газраар дамжуулан тус сумын Засаг даргын Тамгын газрын даргаас тодруулахад иргэдэд чичирхийлэл бага зэрэг мэдрэгдсэн бөгөөд хохирол учраагүй тухай мэдээлжээ.