Афганистанд үүссэн нөхцөл байдалтай холбоотойгоор Цагаан ордны өнөөгийн тэргүүн огцрох ёстой гэж АНУ-ын Ерөнхийлөгч асан Дональд Трамп үзэж байгаа гэнэ. 

"Коронавирусийн давалгаа асар ихэссэн, хил дээр сүйрэл болж, эрчим хүчний хараат байдал алдагдан, манай улсын эдийн засаг хохирч байгаагийн зэрэгцээ Афганистанд болж буй үйл явдалтай холбоотойгоор Жо Байден гутамшигтайгаар явах цаг нь болсон. Ингэлээ гээд юу ч болохгүй, учир нь тэр хууль ёсоор сонгогдоогүй" хэмээн Трамп мэдэгдсэнийг түүний төлөөлөгч Лиз Харрингтон Твиттер хуудсандаа нийтэлжээ.

Эргэн сануулахад, Америкийн түүхэн дэх хамгийн урт хугацаанд үргэлжилсэнд тооцогдох Афганистан дахь цэргийн ажиллагаагаа дуусгахаар шийдсэн талаараа Байден дөрөвдүгээр сарын 14-ний өдөр мэдэгдсэн юм. Ийнхүү Америк цэргээ гаргаж эхэлснээр Афганистанд нөхцөл байдал хурцдаж, хэт даврагч Талибан хөдөлгөөн болон засгийн газрын цэргүүдийн хооронд ширүүн тулаан өрнөсөн. Улмаар талибууд томоохон хотуудыг эзлэн авсаар ням гараг гэхэд Афганистаны нийслэл Кабул хотыг эзлэн авсан М. 

Афганистан: Талибууд нийслэлийг эзэлж, Ерөнхийлөгч Гани эх орноо орхив

Г.Бямбасүрэн