“UBS” телевизээр овоглодог хөтлөгч Ж.Анхбаяр, чадварлаг нэвтрүүлэгч Г.Оюунцэцэг эгчийнхээ хамт телевизээ орхиж байгаагаа өөрийн цахим хуудсаар дамжуулан мэдэгдлээ.   Тэрбээр өөрийн цахим хуудаснаа “Оюунаа эгч бид хоёрын хувьд “UBS” телевиз дэх сүүлийн шинэ жил болж байна. Гунигтай...” гэж бичжээ.

Түүний дотнынхны хэлж буйгаар тэд “бууриа сэлгэж” байгаа бололтой. Мөн ямар шалтгаанаар телевизээ орхиж байгаа болон аль телевизийн нүүр царай болж байгаа нь одоогоор нууц гэнэ.

Содон дуу хоолой, авьяас, зүс царайгаараа бусдаас ялгардаг нэвтрүүлэгч Г.Оюунцэцэгийн хувьд “UBS” телевизэд 20 жилийн хөдөлмөрөө зарцуулсан юм.

М.Дөлгөөн