Өнөөдрөөс эхлэн нийтийн тээвэр зөвхөн U money картаар үйлчилж эхэллээ. Автобус дахь бэлэн мөнгөний машиныг хурааж, зөвхөн картаар үйлчилж байна. Ингэснээр нийтийн тээврийн үйлчилгээ алдагдалгүй ажиллах боломж бүрдэнэ гэж албаныхан үзэж буй.

Цөөнгүй хоногийн өмнөөс автобус зөвхөн картаар үйлчилнэ гэх мэдээллийг хүргэсэн ч картгүй иргэд нэлээдгүй байна. Харин хянагчид 2500 төгрөгөөр автобусанд карт борлуулж, иргэдэд чирэгдэлгүй байх боломжийг бүрдүүлжээ. 2500 төгрөгийн үнэтэй тухайн картаар нэг удаа зорчих бөгөөд дахин үйлчлүүлэхдээ иргэд өөрсдөө цэнэглүүлэх шаардлагатай юм байна. 

Автобусанд зорчих “U money” картыг 3600 төгрөгөөр худалдан борлуулдаг. Харин нийтийн тээврийн бэлэн мөнгөний хайрцгийг хураасантай холбогдуулан 2000 мянган төгрөгөөр борлуулж байна. Энгийн цахим картыг дөрөвдүгээр сарын 3-ныг хүртэл 2000 төгрөгөөр карт цэнэглэн, борлуулдаг 451 цэгээр худалдаалах юм байна. Мөн  сарын турш хязгааргүй зорчих 8000-25000 төгрөгийн үнэтэй картыг гаргажээ.

“Улаанбаатар смарт карт” ХХК-иас дүүрэг хороодын нийгмийн ажилтнаар дамжуулан амьжиргааны түвшин доогуур зорилтот бүлгийн иргэдэд 20 мянган карт үнэгүй тараахаа мэдэгдээд буй.

В.Бат