Пакистаны Мултан мужийн иргэн 24 настай Шабаз Ахмед гэх залуу татвар хураагчдыг эсэргүүцэн өөрийгөө галдан шатаасан тухай “www.dailymail.co.uk” мэдээллээ. Залуу хувийн бизнес эрхэлдэг аж. Татварынхан өдөрт 5-10 удаа түүн дээр ирж, мөнгө нэхдэг учир ийнхүү эсэргүүцлээ илэрхийлжээ.

Мултан мужийн Татварын төвийн өмнө тэрээр өчигдөр 14.39 цагт өөр дээрээ шатамхай бодис цацаж, шатаажээ. “Татвар хуурагчид иргэдийн амьдралд дарамт учруулж байна” хэмээн залуу сэтгүүлчдэд мэдэгдсэн байна. Залуугийн галыг унтраахаар нэг эр элс, шороо цацсан ч оройтсон аж.

Цагдаагийн газраас “Эсэргүүцлээ илэрхийлэн өөрийгөө шатаасан залуу амиа алдсан. Их хэмжээний түлэгдэлтэй түүнийг эмнэлэгт хүргэсэн ч шархаа дийлэлгүй амиа алдсан” гэж мэдээлсэн байна.

Б.Дэлгэрцэцэг