Бразилийн Рео де Женейро хотноо “UFC”-ийн эмэгтэйчүүдийн хөнгөн жингийн аварга Ронда Роузигийн бүсээ хамгаалах тоглолт амжилттай болж өндөрлөө. Энэхүү тулаанд 2004 оны Афины олимпийн хүрэл медальт 28 настай Ронда Роузи өрсөлдөгч Бразилийн тамирчин Бета Корреяг эхний үеийн 34 дэх секундэд хүнд цохилтод оруулж, ялалт байгуулсан тухай “www.dailymail.co.uk” мэдээллээ.

Ронда “UFC”-ийн дэвжээнд 12 тулаан хийж, ганц ч ялагдаагүй бөгөөд өрсөлдөгч тамирчнаа найман удаа хүнд цохилтод оруулж, “UFC 190” тоглолтод аваргын бүсээ хамгаалсан байна. Тулааныг 170 сая гаруй хүн шууд хүлээн авч үзжээ.

Тэмцээний дараа Ронда “ВВС” агентлагт “Би бэлтгэл сургуулилтаа сайн хийсэн. Тулааны үеэр өрсөлдөгч тамирчиндаа боломж олгохгүйг хичээсэн. Цохилт бүрийг хамгаалж, оноо алдахгүйг их хичээсэн. Сонсоход 34 секунд богинохон сонсогдож буй ч тулааны үеэр нэг секунд нэг цаг шиг л удаан үргэлжилсэн. Өрөлдөгч тамирчин маань хүчтэй байсан ч би түүнээс илүү байлаа. Би яллаа. Бүсээ хамгааллаа. Би маш их баяртай байна” гэж хэлжээ.

Б.Дэлгэрцэцэг