Монголын улс төрд шинэхэн агаарыг оруулж ирнэ хэмээн эдийн засаг, хуулийн салбарт нэр хүндтэй залуучуудын “Хөгжил-Хүн” клубээс өнгөрөгч хоёрдугаар сард хийсэн анхны форумын үеэр мэдэгдэж байсан билээ.

Тэгвэл тэд энэ сарын 28-нд “Үндэсний хөгжил Монгол зорилго” нэртэй чуулганыг зохион байгуулахаар болжээ. Энэхүү форумын үеэр ядуурал, цөхрөлд автаад байгаа манай өнөөгийн нийгэмд яагаад “Монгол зорилго” хэрэгтэй байгаа талаар хэлэлцүүлэг өрнүүлэхээр юм байна.

Улс төрийн намуудын амлалтаас ард түмэн залхаж эхлээд байгаа энэ үед салбартаа мэргэшсэн Монголын ирээдүйг өөрчилж чадахуйц шинэ үеийнхэн нэгдсэн нь ард түмний төдийгүй улс төрийн хүчнүүдийн анхаарлын төвд орсон гэнэ. Тиймээс тэдний хийх үйлдэл бүхэн анхаарал татаж байгаа аж.

П.Наран