“Парис-2024” олимпын эрхийн оноо цуглуулах “Mongolia International Challenge” бадминтоны олон улсын тэмцээн Спортын төв ордны А зааланд өчигдөр эхэлсэн. Тус тэмцээнд  19 орны 220 гаруй тамирчин ур чадвараа сорин өрсөлдөж байна.

Монголын бадминтон сонирхогчдын холбоо өмнө нь 2018, 2019, 2022 онд тус тэмцээнийг зохион байгуулсан бөгөөд энэ удаагийнх хамгийн өргөн бүрэлдэхүүнтэй олон улсын тэмцээн болсноороо онцлог байв. Тэмцээн зургаа хоног үргэлжлээд долдугаар сарын 2-нд өндөрлөх юм. 

Тэмцээн эрэгтэй, эмэгтэй ганцаарчилсан, эрэгтэй, эмэгтэй хос, холимог хос гэсэн таван төрлөөр болж байна.