АНУ-ын Ерөнхийлөгч Дональд Трамп гадаадын бүх орноос нийлүүлж буй бараа бүтээгдэхүүнд ногдуулах татварыг танилцуулснаас хойш хэдхэн цагийн дараа, АНУ-ын Сенат Канадын бараанд ногдуулах шинэ татварыг цуцлах хуулийн төслийг батлав. Уг хуулийн төслийг Бүгд найрамдах намынхан дэмжиж, Сенатын танхимд 51 гишүүн зөвшөөрсөн бол 48 гишүүн эсрэг санал өгчээ. Ардчилсан намын санаачилсан хуулийн төслийг Бүгд найрамдах намын дөрвөн гишүүн дэмжсэн байна. Энэхүү хуулийн төслийг батлах нь АНУ дахь худалдааны бодлого, худалдааны тэнцвэрт томоохон өөрчлөлтүүдийг авчирч болзошгүй бөгөөд олон нийтийн анхаарлыг татаж байна.

Тэгвэл Д.Трампын намынхан олонх болж буй Төлөөлөгчдийн танхимд уг хуулийг батлах магадлал бага гэж ажиглагчид үзэж байна. Төлөөлөгчдийн танхим нь Ардчилсан намынханд давамгайлж байгаа учир хуулийн төсөл батлагдсан тохиолдолд Ерөнхийлөгч Д.Трамп уг хуулийн төслийг хориглох боломжтой. Тэрээр импортын татварыг нэмэгдүүлэх өөрийн байр сууриа хамгаалж магадгүй гэж шинжээчид харж байна. Сенатад хуулийн төслийг дэмжигчдийн нэг болсон Бүгд найрамдах намын гишүүн, Мэн мужийн сенатор Сюзан Коллинз уг татвар нь Мэн мужийн олон гэр бүл болон орон нутгийн эдийн засагт сөргөөр нөлөөлнө гэдгийг онцлон хэлсэн байна. Түүнчлэн, Кентакки мужийн сенатор Рэнд Пол, Аляскийн Лиза Мурковски, Кентаккигийн Митч МакКоннелл нар ч энэ төслийг дэмжсэн санал өгчээ.

Мөн Канад улс даяар харилцан өндөр татвар ногдуулахыг шаардсан жагсаалууд болж байна АНУ болон Канад улсын гадаад худалдааны харилцаа нь олон жилийн гүнзгий холбоотой. Тэгвэл Канадын шинэ Ерөнхий сайд Марк Карни АНУ-ын татварт хариу арга хэмжээ авна гэж мэдэгдээд буй. Марк Карни Канадын эрх баригч Либерал намын даргаар сонгогдсоноос хойш эдийн засаг худалдааны асуудал дээр улс орныхоо эрх ашгийг хамгаалах хатуу бодлого баримталж байна. Тиймээс энэ татвар нь зөвхөн хоёр орны эдийн засагт төдийгүй, олон улсын худалдааны тогтвортой байдалд ч сөргөөр нөлөөлөх боломжтой. Эдгээр үйл явдлууд нь дэлхийн улс орнуудын гадаад худалдааны харилцаанд шинэ сорилтууд авчирч, Ковид-19 цар тахлаас хойш дөнгөж өндийн буй дэлхийн эдийн засгийн өсөлтөд муу нөлөө үзүүлнэ гэж шинжээчид үзэж байна.