АНУ-ын Д.Трампын импортын татвар нэмэх шийдвэр дөрөвдүгээр сарын 2-оос мөрдөгдөж эхлэх тухай Цагаан ордноос мэдээлэв. Дэлхийн худалдааны түүхэнд томоохон өөрчлөлт оруулж мэдэх импортын татварын бодлого нь АНУ-ын бусад улс орнуудтай хийх худалдааны балансыг тэнцвэржүүлэх, дотоодын үйлдвэрлэгчдийг дэмжих зорилготой. Одоогоор Дональд Трампын импортын татвар дэлхийн улс орнуудад хэдэн хувь байх, яаж хэрэгжих нь тодорхойгүй. Цөөн тооны нэр төрлийн бүтээгдэхүүн буюу ган, хөнгөн цагаан, автомашин, машины сэлбэг зэрэгт ногдуулах 25 хувийн татварын бодлого тодорхой болсон юм. Харин импортын бусад бүх бараанд жигд буюу 20 хувийн татвар ногдуулах магадлалтай байна. хэрэв импортын бүх бараанд 20 хувийн бүх татвар ногдуулбал, АНУ-ын эдийн засгийн өсөлтөд хамгийн муу нөлөө үзүүлнэ гэж ж Moody's Analytics-ийн ахлах эдийн засагч Марк Занди мэдэгдлээ.

Мөн Дональд Трампын импортын татварыг нэмэгдүүлэх шийдвэр дэлхийн бүх улс орнуудад дам нөлөө үзүүлэх, худалдааны дайн дэгдээх хэмжээнд ирнэ. Учир нь АНУ-ын импортын татварын хариуд Европын холбоо, БНХАУ, Канад, Мексик харилцан татвар ногдуулах тухай мэдэгдээд байна. энэ үйл явдлаас үүдэн хөрөнгө оруулагчид тодорхойгүй нөхцөл байдалд эргэлзэж, хөрөнгийн биржүүдийн хувьцааны ханш тогтворгүй болж байгаа юм.

Хэрэв импортын татвар худалдааны дайн болж өргөжвөл, АНУ-д 5.5 сая ажлын байр үгүй ​​болж, ажилгүйдлийн түвшин 7% хүртэл нэмэгдэж, АНУ-ын ДНБ оргил үеэсээ 1.7%-аар буурахад хүргэнэ гэж Moody-s аналитикийн симуляци тооцоолжээ.

Д.Трампын импортын татвар хэрэгжиж эхлэхдээ Бохир 15 буюу хамгийн их алдагдалтай 15 улсаас эхэлнэ гэж АНУ-ын сангийн сайд Скотт Бессент мэдэгдсэн юм.