Дав.Цогтбаатар буруутайд тооцсон тогтоолоо гардлаа
УДШ-ээс Хөгжлийн банкны гэх тодотголтой хэргийн оролцогчдод хяналтын шатны шүүх хуралдааны тогтоолыг 2025 оны 02 дугаар сарын 21-ний өдрөөс эхлэн гардуулж өгсөн байдаг.
УИХ-ын гишүүн Дав.Цогтбаатар тогтоолоо гардаж аваагүй байсан бөгөөд тэрээр өчигдөр өөрийн биеэр тогтоолоо авсан тухай эх сурвалж мэдээлж байна.
Эргэн сануулахад, УИХ-ын гишүүн Д.Цогтбаатар нь 2016-2020 онд Хөгжлийн банкны хэлтсийн захирлаар ажиллаж байхдаа албан тушаалаа урвуулан ашиглаж, бусдад давуу байдал олгосон хэрэгт яллагдагчаар татагдан шалгуулсан байдаг. Улмаар Сүхбаатар дүүргийн Эрүүгийн хэргийн анхан шатны шүүхээс 2023 оны долоодугаар сард Эрүүгийн хуулийн 22.1-2 дахь хэсэгт заасан “Нийтийн албан тушаалтан албан үүрэг, бүрэн эрх, албан тушаалын байдлаа урвуулан ашиглаж их хэмжээний хохирол учруулсан” гэм буруутайд тооцож, нийтийн албанд томилогдох эрхийг хоёр жил хасаж, 20 сая төгрөгөөр торгох ял шийтгүүлсэн.
Харин УДШ-ийн Хяналтын шатны шүүхээс түүнийг гэм буруутайд тооцож, анхан шатны шүүхийн шийдвэрийг хэвээр үлдээсэн юм.
СЭТГЭГДЭЛ БИЧИХ