Элон Маск Украины зэвсэгт хүчнийг интернэтээр хангаж буй Старлинк хиймэл дагуулын сүлжээг таслана гэж сүрдүүллээ. Хэрэв Украины арми Старлинкээс тасарвал цаашид дайныг үргэлжлүүлэх боломжгүй хэмээн Элон Маск өөрийн Х хуудаснаа онцолсон юм.

Элон Маскийн бичсэн уг нийтлэл Х платформ дээр ихээхэн маргаан дагуулсан байна. Старлинк интернэт нь дэлхийн өнцөг булан бүрд интернэтийн үйлчилгээ сааталгүй хүргэх, дайны шугам, фронтын бүс гэх мэт алслагдсан бүс нутгийг өндөр хурдны интернэтээр хангах зорилготой. Энэ хүрээнд 2022 оны 2-р сард Оросын арми Украинд халдан довтлох үеэр Старлинк компани Украины армийг интернэтээр үйлчилгээгээр хангасан юм.

Харин 2025 оны 3-р сарыг хүртэл Украйны армийг хэрэглэсэн Старлинкийн төлбөрийг Польш улс хариуцаж байсан юм. Тодруулбал Польшийн Дижиталжуулах яам жил бүр 50 сая долларыг Украины интернэтийн төлбөрт төлдөг учраас Старлинк интернет холбоосыг таслах ямарч үндэслэл байхгүй гэж Польшийн талаас үзэж байна. Харин Украины эрх баригчид “Хэрэв Старлинк найдваргүй үйлчилгээ үзүүлэгч” гэдгээ нотолж интернэтээ салгах юм бол бид өөр ханган нийлүүлэгч хайна гэдгээ мэдэгджээ.