Ухаа Худаг ордтой холбогдуулж ''Эм Си Эс'' групптэй холбоотой хурандаа З.Төрмандахыг өчигдөр /2025.02.18/ хуулийн байгууллага саатуулсан байж магадгүй. Цагдаагийн Ерөнхий Газар /ЦЕГ/-аас дээрх баривчилгааг хийгээгүй гэж мэдэгдлээ. Хэрвээ З.Төрмандахыг баривчилсан хуулийн байгууллага ЦЕГ биш бол түүнийг Тагнуулын Ерөнхий Газраас  баривчилсан байж магадгүй байна. З.Төрмандахыг өчигдөр /2025.02.18/ Japan Town дахь гэрээс нь баривчилсан гэх мэдээлэл зарим хэвлэл мэдээллийн хэрэгслээр цацагдсан.

''MCS'' группийн Ж.Оджаргал нь цагдаагийн хурандаа З.Төрмандахыг хамгаалалтын албаны даргаараа ажиллуулаад удаж буй. 

Л.Оюун-Эрдэнийн Засгийн газар Тавантолгойн бүлэг ордын нэг Ухаа Худгий ''Энержи Ресурс'' ХХК-д шилжүүлсэн явдлыг шалгах ажлын хэсэг байгуулсан. Уг ажлын хэсгийг ХЗДХ-ийн сайд О.Алтангэрэл ахалж буй. 

Стратегийн ордуудын 34 хувийг баялгийн санд төвлөрүүлэх хууль хэрэгжиж эхэлсэнтэй холбоотойгоор Засгийн газар стратегийн орд эзэмшигчтэй хэлэлцээ хийж эхэлсэн. Үүнтэй холбогдуулан хуулийн байгууллага ажиллагаа явуулж ''MCS'' группийн албаны даргыг баривчлсан байж магадгүй. Учир нь З.Төрмандах нь төрийн чухал алба хашиж байсан нэгэн бөгөөд хувийн байгууллагад хөлслөгдөн өөрт буй төрийн нууцтай холбоотой мэдээллийг ашиглуулж байж магадгүй гэх нөхцөл байдал үүсээд байгаа юм.