1072 хувьцааны ногдол ашиг 256 мянган төгрөгийг энэ долоо хоногтоо багтаж иргэдийн дансанд шилжүүлнэ гэдгийг өчигдөр Эрдэнэс тавантолгой ХК-ийн БЭТ Ж.Ганбат мэдэгдсэн билээ.

Тэрбээр "ЭТТ” ХК-ийн 1072 хувьцааны санхүүгийн тайлан Аудитын байгууллагаар орж эцэслэгдсэн. Энэ долоо хоногтоо багтааж иргэдийн дансанд шилжүүлнэ. Нийт 3,4 сая иргэнд ногдол ашиг олгохоор 800 гаруй тэрбум төгрөг төсөвлөсөн" гэсэн. Тодруулбал, өнөөдөр маргааш гээд хоёр өдрийн дотор иргэдийн дансанд шилжүүлж дуусна гэжээ.  

“Эрдэнэс Тавантолгой” ХК 2023 оны урьдчилсан гүйцэтгэлээр 3,2 их наяд төгрөгийн ашигтай ажиллаж, 1072 хувьцаатай иргэнд татварын дараах дүнгээр 256.000 төгрөг олгохоор болсон юм. Харин цагаан сарын өмнө хувьцааны ногдол ашиг болох 116 мянган төгрөгийг иргэдийн дансанд шилжүүлсэн юм.