Нийслэлийн Засаг даргын Тамгын газраас автомашины улсын дугаарын тэгш, сондгойгийн хязгаарлалтыг сунгах эсэх асуудлаар иргэдээс санал авч байна. Өчигдөр эхэлсэн тус санал асуулгад одоогийн байдлаар 2526 хүн оролцож, саналаа өгчээ. Тэдний 1505 хүн буюу 60 хувь нь улсын дугаарын тэгш, сондгой хязгаарлалтыг дэмжээгүй байна. Харин 1021 хүн буюу 40 хувь нь хязгаарлалтыг үргэлжлүүлэхийг дэмжжээ.

Иргэд та бүхэн www.ulaanbaatar.mn цахим хуудасны “Санал асуулга” цэсээр болон  https://vote.ulaanbaatar.mn/home цахим хуудсаар  нэвтэрч “Дан” систем болон гар утасныхаа дугаараар холбогдон саналаа өгөх боломжтой. Саналыг нэгдүгээр сарын 31-нийг дуустал ажлын гурван өдөр авч, олонхын саналыг үндэслэн шийдвэр гаргах юм.