Украин олон жилийн туршид Оросын Үнэн алдартны сүмийн хуанлиар Зул сарын баярыг нэгдүгээр сарын долооны өдөр тэмдэглэсээр ирсэн. Харин өнгөрсөн онд ОХУ Украин руу халдсаны дараа Украины эрх баригчид сүмд мөрдөгдөх хуанлийг өөрчилж, Шинэ Юлианы хуанлиар 12 дугаар сарын 25-ны өдөр, европчуудын адилаар Зул сарын баярыг тэмдэглэхээр болсон юм. 

Өнгөрсөн жил туршилтын журмаар 12 дугаар сарын 25-ны өдөр Зул сарын баяр тэмдэглэж, энэ оны зун Зул сарын өдрийг нэгдүгээр сарын долооноос 12 дугаар сарын 25-ны өдөр шилжүүлэх хуулийг баталж байлаа.

Ингэснээр энэ удаад украинчууд анх удаа 12 дугаар сарын 25-ны өдөр Зул сарын баярыг албан ёсоор тэмдэглэлээ. Мөн энэ өдрийг орон даяар амралтын өдөр болгон зарлажээ.

Г.Бямбасүрэн