Аргентины Ерөнхийлөгч Хавьер Милей эдийн засаг, эрүүл мэнд, нийгмийн салбарт 2025 оны 12 дугаар сарын 31ний өдрийг хүртэл онц байдал тогтоожээ. Холбогдох тушаалыг засгийн газрын хэвлэлд нийтлүүлсэн байна. 

Онц байдал тогтоосноор Конгрессоор хэлэлцүүлэхгүйгээр эдийн засгийг либералчлах, дахин зохицуулахад чиглэгдсэн багц шинэчлэлийг авч хэрэгжүүлэх боломжтой болох аж. Милей онц байдал тогтоохын өмнө, лхагва гарагийн орой ард түмэндээ хандан мэдэгдэл хийж байв.

Тэрбээр хэлсэн үгэндээ 30 үндсэн шинэчлэлийг нэрлэсэн бөгөөд үүнд үнийн зохицуулалт, олон улсын худалдааг хөнгөвчлөх гаалийн журмыг шинэчлэхээс татгалзах, төрийн байгууллагуудыг хувьчилахад бэлтгэх, экспортод хязгаар тавихыг хориглох зэрэг өөрчлөлтүүд багтсан байна. 

Аргентины шинэ Ерөнхийлөгч Хавьер Милейн мэдэгдсэнээр ойрын үед парламентын онц хуралдааныг зарлан хуралдуулж, улс орны эдийн засагтай холбоотой шинэчлэлийн асуудлуудыг хэлэлцэх аж. 

Г.Бямбасүрэн